डा.रामकृष्ण बरालकाे कविता : ए कोरोना तँ दोस्रो पटक अलि चाढै आईस

शसस्त्र प्रहरी बल अस्पताल बलम्बुमा विगत १२ वर्षदेखि कार्यरत हुनुहुन्छ डा.रामकृष्ण बराल । इन्टरनल मेडिशिनमा एमडी गरिसक्नुभएका उहाँ हाल चिकित्सा विज्ञान राष्ट्रिय प्रतिष्ठान (न्याम्स) मा डिएम अध्ययनरत हुनुहुन्छ ।

कोरोनाको जोखिम नेपालमा शुरु भएदेखि नै बिरामीको सेवामा तल्लीन डा.बराल कोरानाबाट जोगिन माक्स लगाउन, सामाजिक दूरी कायम गर्न र समय सयममा साबुन पानीले हात धुन आह्वान गर्नुहुन्छ ।

उहाँ भन्नुहुन्छ “ यी तीन कुरालाई ख्याल गर्न सकिएमा मात्र कोरोनाको जोखिमबाट टाढा रहन सकिन्छ ।” घरमा कोरोना प्रवेश गरिसकेको अवस्थामा ज्वरो, रुघा खोकी तथा शरिर दुःखेमा तुरुन्त पिसिआर गर्न र पिसिआर पोजेटिभ आएमा आफूखुशी औषधि सेवन नगर्न सल्लाह दिनुहुन्छ । 

अक्सिजनको मात्रा जाँच गरिरहन तथा छिटो भन्दा छिटो नजिकको स्वास्थ्य सस्था र चिकित्सकसँग जाँच गराउन उहाँ सुझाव दिनुहुन्छ । काेराेनाकै  सन्दर्भमा उहाँले समसामयिक कविता पनि लेख्नुभएकाे छ, 

कोरोना त दोस्रो पटक चाढै आईस हामीले भ्याक्सिन लगाउन नपाउदै आईस ।

मास्क खोलेर मस्त घुम्न नपाउदै आईस सुतेको नेतृत्व नबिउझदै आईस ।।

ए कोरोना तँ दोस्रो पटक अलि चाढै आईस...

तँ उता छिमेकीकोमा डुल्दै थिईस,

हामी पनि यता बिहे भोज र जात्रा मै थियौं।

उडेर आईस कि गुडेर आईस ए कोरोना त दोस्रो पटक चाढै आईस।।

सोचेकै थिएनौ तैले यत्तिको क्षती गर्छस।

अस्पताल देखी आर्यघाट दिनमै भर्छस।।

तँलाई थाहा थियो नेपालीले चिन्ता कम गर्छन ।

पाए भने भ्याक्सिन बाटै करोडौं भर्छन।।

त्यसैले त आफ्नो रुप फेरेर आईस,

क्षिन भर मै सबै तिर सन्नाटा छाईस ।

हप्ता दिन मै हाम्रो अकर्मण्यता देखाईस ।।

ए कोरोना तँ दोस्रो पटक चाढै आईस...

ए कोरोना त दोस्रो पटक चाढै आईस।।