भेरी अस्पताल घटना : स्वास्थ्यकर्मीमाथी आक्रमण गरेका ३ जना धरौटीमा रिहा

काठमाडौं । नेपालगञ्जस्थित भेरी अस्पतालमा बिरामीको मृत्युको विषयलाई लिएर डाक्टर र नर्समाथि कुटपिट गरेका तीनजना धरौटीमा रिहा भएका छन् । जिल्ला अदालतल बाँकेले घटनाको तीन साता पछि उनीहरुलाई ५० हजार रुपैयाँ धरौटीसहित रिहा गर्न आदेश दिएको हो ।

जिल्ला अदालतका न्यायाधीश श्यामसुन्दर अधिकारीको एकल इजलासले कुटपिट मुद्दाका आरोपी दाङका मानबहादुर रावत, भरत रावत र लोकराज रावतलाई आइतबार धरौटीमा छाड्न आदेश दिएको हो ।

मानबहादुर मृतकका भाइ र दुईजना छोरा हुन् । गत जेठ १३ गते बेलुकी  दाङ तुलसीपुर उपमहानगरपालिका–११ उरहरीका ५४ वर्षीय कोरोना संक्रमित डिल्लीबहादुर रावतको उपचारको क्रममा मृत्यु भएपछि मृतकका भाइ र छोराले ड्युटीमै रहेका डाक्टर र नर्सलाई लखेटी लखेटी घाँटी थिचेर पिटेका थिए । 

ज्यान जोगाउन ४ जना नर्स र एक डाक्टर २ तलाबाट हाम फाल्नुपरेको थियो  । भेरी घटनापछि स्वास्थ्यकर्मी आन्दोलित भएका थिए । देशभरका स्वास्थ्यकर्मीहरुले जेल वीथ वाउट बेलको माग राख्दै आन्दोलनै गरे । त्यसपछि सरकारले स्वास्थ्यकर्मी तथा स्वास्थ्य संस्था सुरक्षा सम्वन्धी अध्यादेश जारी गरेको छ । अध्यादेशले स्वास्थ्यकर्मीमाथी आक्रमण गर्नेलाई ३ वर्ष जेल र ३ लाख जरीवानाको व्यवस्था गरेको छ । 

• भेरी घटना अपडेट : २ जना प्रहरी नियन्त्रणमा, स्थिति अझै तनावग्रस्त
• भेरी घटनाका दोषीलाई कडा कारबाही गर्न डाक्टर तथा स्वास्थ्यकर्मीको माग
• भेरी घटना : दोषीलाई २४ घण्टाभित्र कडा कारबाहीको माग गर्दै स्वास्थ्यकर्मी आन्दोलित
• भेरी घटना : देउवा र प्रचण्डद्वारा डाक्टर र नर्समाथि भएको आक्रमणको निन्दा
• भेरी घटना : चिकित्सक संघद्वारा कालो दिन घोषणा, कालोपट्टी बाँधेर काम गर्न अपिल
• भेरी घटना : ३ जना विरुद्ध किटानी जाहेरी, काममा फर्किए स्वास्थ्यकर्मी
• स्वास्थ्यकर्मीलाई पिटेर उपचारमा बाधा पुग्दा २ बिरामीको मृत्यु : भेरी अस्पताल 
• भेरी अस्पतालमा स्वास्थ्यकर्मीमाथी कुटपिट, डाक्टर र नर्स २ तलाबाट हामफाले
•