स्वास्थ्यकर्मीलाई पिटेर उपचारमा बाधा पुग्दा २ बिरामीको मृत्यु : भेरी अस्पताल 

काठमाडौं । गएराती भेरी अस्पतालमा डाक्टर नर्सलाई अन्धाधुन्द पिटेर लखेटेपटि उपचारमा समस्या उत्पन्न हुँदा थप २ बिरामीको मृत्यु भएको भेरी अस्पतालले जानकारी दिएको छ । 

आइसियुमा रहेका बेडका A७ र B49  बिरामीको क्रमश गएराती सवा ९ र राती १२ बजे मृत्यु भएको अस्पताललले जनाएको छ । मृत्यु हुने बिरामीहरु स्वास्थ्यकर्मीहरुकै अभिभावक रहनु भएको छ । 

अस्पतालका अनुसार गत जेठ ४ गते दाङका ५२ वर्षका पुरुषलाई कोभिड वार्डमा भर्ना गरिएको र सुरुका केही दिन फेस मास्क, त्यसमा सेचुरेसन पर्याप्त नभएपछि अक्सिजन मास्कसहितको रिजरभोएर ब्याग र त्यसपछि सिपीएपीमा राखी कोभिड वार्डको ब्लक बी मा उपचार गरिएको थियो । 

• भेरी अस्पतालमा स्वास्थ्यकर्मीमाथी कुटपिट, डाक्टर र नर्स २ तलाबाट हामफाले
• भेरी घटना अपडेट : २ जना प्रहरी नियन्त्रणमा, स्थिति अझै तनावग्रस्त
• भेरी घटनाका दोषीलाई कडा कारबाही गर्न डाक्टर तथा स्वास्थ्यकर्मीको माग
• म स्वास्थ्यकर्मीको साथमा छु : जनार्दन शर्मा
• भेरी घटना : दोषीलाई २४ घण्टाभित्र कडा कारबाहीको माग गर्दै स्वास्थ्यकर्मी आन्दोलित
• भेरी घटना : देउवा र प्रचण्डद्वारा डाक्टर र नर्समाथि भएको आक्रमणको निन्दा
• भेरी घटना : चिकित्सक संघद्वारा कालो दिन घोषणा, कालोपट्टी बाँधेर काम गर्न अपिल
• स्वास्थ्यकर्मीमाथि आक्रमण गर्नेलाई कारबाही गर्न स्वास्थ्य मन्त्रालयको निर्देशन

सिपीएपीमा रहँदा पनि सेचुरेसन अस्थिर रहेकाले सुक्ष्म निगरानीमा राखी जेठ ९ गते  बल्क एको कोभिड आइसियु बेड नं १३ मा सिफ्ट गरिएको थियो । सरकार  र विभिन्न अन्तराष्ट्रिय प्रोटोकल अनुसार उपचार गर्दा पनि बिरामीको अवस्थामा सुभार नभएको र यसबारे बिरामीको आफन्तलाई पटक पटक जानकारी गराइएको अस्पतालले जनाएको छ । 

बिरामी पक्षले बेलाबेलामा ‘मेरो बिरामीलाई केही भएमा सबलाई चड्कन लाउँछुस अस्पतालका एक-एकलाई गिंड्छु’ भन्दै स्वास्थ्यकर्मीहरूलाई त्रस्त पारेको पनि अस्पतालले जानकारी दिएको छ । 

आइसियु र सिपीएपीमा रहँदा पनि साँझ साढे ७ बजेतिर अक्सिजन सेचुरेसन घटेकोले ड्यूटीमा रहेको नर्सले सिपीएपीलाई भेन्टिलेटरमा जोडेर बिरामी बचाउने हरसंभव प्रयास गर्दा पनि बिरामीको अवस्थामा सुधार आउन नसकेपछि मेसिनले सास पम्प गर्दा सेचुरेसन बढ्ला कि भन्ने असल मनसाय र प्रमाणित अपरेटिङ प्रोसिडियरस अनुसार उक्त काम भएको अस्पतालले उल्लेख गरेको छ । 

अस्पतालका अनुसार घटनाको गाम्भिर्यता महशुस गरि ड्यूटीका नर्सहरूले बाहिर रहेका सुरक्षाकर्मीलाई समेत सचेत गराएका थिए । 
हरेक प्रयासका वावजुद पनि बिरामीको अवस्था सुधार नहुँदा राती ८स्३८ मा मृत्यू भएकोमा बिरामीको भाइ, छोरा लगायत उत्तेजित भिडले उपचारमा संलग्न चिकित्सक तथा नर्समाथी आक्रमणको प्रयास गरेको, नर्सको घाँटी न्याँकेको, टाउकोमा प्रहार गर्न खोजेकोमा नजिकैको बेडको बिरामीको आगन्तुकले रोकेको अस्पतालले जनाएको छ । 

स्वास्थ्यकर्मीहरू उत्तेजित भिडबाट बच्न नजिकैको कोठामा लुुक्दा ध्वंसात्मक मानसिकता भएका थप व्यक्तिहरू समेत आइ ढोका, कुर्सी तोडफोड गरेको, ज्यान जोगाउन चिकित्सक तथा नर्स सोहि कोठाको झ्यालबाट हाम फालृका थिए । 

राती अबेरस्म प्रमुख जिल्ला अधिकारी, प्रहरी प्रमुख, नेपाल मेडिकल एसोसिएसनका अध्यक्ष, अस्पताल बिकास समितिका पदाधिकारी, चिकित्सकहरू र नर्सिङ कर्मचारी सहितको बैठकले घटनाको अध्ययन गर्न एक टोली गठन गरेको र दोषी पाइएमा कारवाही गर्ने सहमति भएको अस्पतालले जनाएको छ । ।

असुरक्षित वातावरणमा काम गर्न नसकिने भनि अस्पतालका सबै ९ड्यूटीमा रहेका बाहेक० कर्मचारीहरू बिहानै देखि आन्दोलित भएकोमा हाल जिल्ला प्रशासन कार्यालयमा समस्या समाधानको निम्ति बैठक भैरहेको छ । आकस्मिक कक्ष तथा कोभिड वार्डमा भर्नारत र सबै बिरामीहरूको उपचार भइरहेको भेरी अस्पतालले फेसवुक मार्फत जानकारी दिएको छ ।