भेरी घटना : दोषीलाई २४ घण्टाभित्र कडा कारबाहीको माग गर्दै स्वास्थ्यकर्मी आन्दोलित
हेल्थपाटी - जेष्ठ १४, २०७८ १०:१६ मा प्रकाशित
अ +
अ -
काठमाडौं । नेपालगञ्जस्थित भेरी अस्पतालका डाक्टर नर्स तथा सम्पूर्ण स्वास्थ्यकर्मीहरु आन्दोलित भएका छन् ।
आन्दोलनमा सहभागी एक स्वास्थ्यकर्मीले दोषीलाई कारबाही गर्न प्रहरी प्रशासनबाट आनाकानी भइरहेकाले आन्दोलित हुनपरेको बताएका छन् ।
उहाँले अहिले केही स्वास्थ्यकर्मीहरु बिरामीको उपचारमा रहेको र बाँकी सबै अस्पताल परिसरमा स्वास्थ्यकर्मीको सुरक्षा र दोषीलाई कडा कारबाहीको माग गर्दै आन्दोलनमा उत्रिएको बताउनुभएको छ । २४ घण्टाभित्र दोषीलाई सार्वजनिक गरि कडा कारबाही गर्नुपर्ने स्वास्थ्यकर्मीहरुको माग छ ।
अस्पतालमा शुक्रबार राती ८ वजेतिर बिरामीको मृत्युको विषयलाई लिएर मृतकका आफन्तहरुले आइसियु कक्षमै गएर डाक्टर तथा नर्सहरुमाथि सांघातिक आक्रमण गरेका थिए ।
उनीहरुले ड्युटीमा खटिएका स्वास्थ्यकर्मीहरुलाई लखेटी लखेटी जहाँ भेटिन्छन् त्यही लातीले हान्ने तथा घाँटी अठ्याउने जस्ता अमानवीय हर्कत देखाएका थिए । थप आक्रमण हुनबाट बच्न नर्सहरू भागेर शौचालयतर्फ जाँदापनि त्यहाँ पनि लखेटेपटि एक जना डाक्टर र ३ जना नर्स ज्यान जोगाउन छतबाट हाम फालेका थिए । उनीहरु घाइते छन् । हेल्थपाटीले यो घटना सार्वजनिक गरेको थियो ।
तपाईँको अभिमत