टेकु अस्पतालमा खोप लगाएका २३ जना स्वास्थ्यकर्मीलाई देखियाे यस्ताे लक्षण
२९ जना स्वास्थ्यकर्मीसँग सोधपुछ गर्दा २३ जनामा कुनै न कुनै लक्षण देखिएको पाइयो
काठमाडौं । अहिले नेपालमा कोरोना विरुद्धको खोप अभियान चलिरहेकाे छ । पहिलाे र दाेस्राे दिन करिव २२ हजार ‘फ्रन्टलाइनर’ ले खाेप लगाइसकेका छन् । खाेप लगाएकाहरुलाई साइड इफेक्ट देखिन पनि सुरु भएकाे छ । त्रि.वि. शिक्षण अस्पताल महारजगञ्जमा
कोरोना विरुद्धको खोप लगाएका केहीलाई साइड इफेक्ट देखिएको छ ।
त्यसैगरि पहिलो दिन टेकु अस्पतालमा कोरोना विरुद्धको खोप लगाएका मध्ये २९ जना स्वास्थ्यकर्मीसँग सोधपुछ गर्दा २३ जनामा कुनै न कुनै लक्षण देखिएको पाइएकाे छ । डा. अनुप बाँस्ताेलाका अनुसार लक्षण देखिएका २३ जना मध्ये ६ जनामा एउटा मात्र लक्षण, ६ जनामा दुईवटा, ३ जनामा तीनवटा, १ जनामा चारवटा, २ जनामा पाँचवटा, ४ जनामा छ वटा र एक जनामा आठ वटासम्म लक्षणहरु देखिएकाे छ ।
खोप लगाएका आइ सी यु, वार्ड, इमर्जेन्सीमा काम गर्ने २९ जना संगको सोधपुछका आधारमा लक्षणहरुबारे यो जानकारी लिइएको हो ।तर, यस्ता लक्षणहरु कुनै उपचारबिना र सामान्य औषधिको प्रयोगले ठिक भएको सबैको अनुभव रहेकाे डा. अनुप बाँस्ताेला बताउनुहुन्छ ।
खोप लगाएपछि देखिएका लक्षणका कारण कसैलाई गम्भीर स्वास्थ्य समस्या वा अस्पताल भर्ना हुनु परेको अवस्था छैन । खोप लगाएका सबैले आफ्नो दैनिक काम नियमित रुपमै गरेको डा. अनुप बाँस्ताेलाले जानकारि दिनुभयाे ।
पहिलाे चरमा करिव चार लाख ३० हजार ‘फ्रन्टलाइनर’ लाई कोरोना विरुद्धको खोप लगाउने सरकारकाे लक्ष्य रहेकाे छ ।
स्वास्थ्यकर्मी, शव व्यवस्थापक, एम्बुलेन्स चालक, महिला स्वास्थ्य स्वयसेविका, सफाईकर्मी, कैदीबन्दी, सुरक्षाकर्मी, वृद्धाश्रममा रहेका र उनीहरुको हेरचाहमा खटिएका व्यक्तिहरु एवं विमानस्थल तथा अन्तराष्ट्रिय नाकामा खटिएका कर्मचारीहरुलाई यस अभियानमा खोप दिइनेछ ।
तपाईँको अभिमत