कोरोना खोप लगाएका शिक्षण अस्पतालका डाक्टरसहित ७ जनालाई स्वास्थ्य समस्या
काठमाडौं । शिक्षण अस्पताल महारजगञ्जमा कोरोना विरुद्धको खोप लगाएका केही डाक्टरहरुलाई साइड इफेक्ट देखिएको छ । अस्पतालका निर्देशक प्रा.डा. दिनेश काफ्लेका अनुसार हिजो र आज खोप लगाएका ७ जनालाई बिबिरासहित मध्यम असर देखिएको छ । उहाँहरुलाई बिबिरा, ज्वरो आउने, टाउको दुख्ने, शरीर दुख्ने लक्षण देखिएको छ ।
नेपालमा हिजोदेखि कोरोना विरुद्धको खोप अभियान चलिरहेको छ । पहिलाे चरमा करिव चार लाख ३० हजार ‘फ्रन्टलाइनर’ लाई कोरोना विरुद्धको खोप लगाउने सरकारकाे लक्ष्य रहेकाे छ ।
स्वास्थ्यकर्मी, शव व्यवस्थापक, एम्बुलेन्स चालक, महिला स्वास्थ्य स्वयसेविका, सफाईकर्मी, कैदीबन्दी, सुरक्षाकर्मी, वृद्धाश्रममा रहेका र उनीहरुको हेरचाहमा खटिएका व्यक्तिहरु एवं विमानस्थल तथा अन्तराष्ट्रिय नाकामा खटिएका कर्मचारीहरुलाई यस अभियानमा खोप दिइनेछ ।
तपाईँको अभिमत