भेरोसेल र जोनसनको खोप भोली देखि लगाइने, यी व्यक्तिहरुलाई दिने निर्णय

हेल्थपाटी
आषाढ २८, २०७८ १७:०३ मा प्रकाशित

अ + अ -

काठमाडौं । सरकारले हालै आएको कोरोना विरुद्धको भेरोसेल र जोनसन खोप अभियान असार २९ गतेदेखि ७७ वटै जिल्लामा सञ्चालन गर्ने भएको छ ।

स्वास्थ्य तथा जनसंख्या मन्त्रालय स्वास्थ्य सेवा विभागले भेरोसल र जोनसन खोप अभियान भोलीबाटै सञ्चालन गर्ने निर्णय गरेको छ । जस अनुसार यी व्यक्तिहरुले खोप पाउने छन् । विभागले भेरोसेल र जोनसनको खोपको लक्षित समूह छुट्याएको छ ।

भेराेसेल पाउने लक्षित समूह

- ५५ वर्ष र सो माथिका उमेर समुहका कोभिड विरुद्ध पहिलो मात्रा खोप लगाउन बाँकी सबै नागरिकहरु

- विश्वविध्यालय, विध्यालयका प्राध्यापक, शिक्षक र कर्मचारीहरु( सार्वजनिक यातायातमा कार्यरत चालक र सहचालकहरु

- नेपाल सरकारले तोकेका अत्यावश्यक सेवामा संलग्न खोप लगाउन बाँकी व्यक्तिहरु (खोप अनिवार्य गरेका देशमा जाने नेपाली नागरिकहरु

जाेनसनकाे खाेप पाउने समूह

- ५० वर्ष देखि ५४ वर्ष उमेर समुहका कोभिड विरुद्ध पहिलो मात्रा खोप लगाउन बाँकी सबै नागरिकहरु

- पूर्ण र अति अशक्त अपाङ्गता भएका नागरिकहरु

- हाल नेपालमा बसोवास गरिरहेका शरणार्थिहरु, स्वास्थ्य संस्थामा कार्यरत स्वास्थ्यकर्मी र सरसफाईकर्मीहरु, यस अघिको अभियानहरुमा खोप लगाउन छुट भएका सबै जना ।

खोप दिने र लिने आधार :

उमेर समुहको हकमा :
- उमेर खुल्ने आधिकारिक प्रमाण नागरिकता, पासपोर्ट, सवारी चालक प्रमाण पत्र, शैक्षिक प्रमाण पत्र र सो नभएमा पालिका, वडाबाट उमेर प्रमाणित कागजात

- सार्वजनिक यातायातका चालक ,सहचालकहरुको हकमा आधिकारिक परिचय पत्र, र सवारी साधनसहित व्यवसायी संघबाट तथ्यगत विवरण माग गरी प्रमुख जिल्ला अधिकारी बाट प्रमाणित सूचिको आधारमा,

-(अत्यावश्यक सेवा प्रवाह प्रमुख जिल्ला अधिकारीले तोकेका सेवाहरुमा संलग्न व्यक्तिहरुको हकमा आधिकारिक परिचय पत्र आधारमा - विश्वविध्यालय र विध्यालयका शिक्षक एवं कर्मचारीहरुको हकमा सम्बन्धित संस्थाको आधिकारिक परिचय पत्रको आधारमा,

- खोप अनिवार्य गरेका देशमा जाने नेपाली नागरिकहरुको हकमा पासपोर्ट र भिसाको आधारमा
- पूर्ण र अति अशक्त अपाक्तगता भएका नागरिकहरुको हकमा नेपाल सरकारले जारी गरेको प्रमाणपत्रको आधारमा