नर्स जिता बराललाई कारबाही, नर्सिङ काउन्सिलबाट नाम हटाइयो
नेपाल नर्सिङ काउन्सिलले नर्स जिता बरालको नाम आफ्नो दर्ता किताबबाट हटाएको छ । काउन्सिलको चैत १३ गते बसेको बोर्ड बैठकले बरालको लाइसेन्स खारेज गर्ने निर्णय गरेको हो । नर्स बरालले २०७७ साल असोज ६ गते ट्रमा सेन्टरमा अभद्र व्यवहार प्रस्तुत गर्नुभएको थियो ।
असोज ६ गते साँझ २ घण्टा १५ मिनेटसम्म उहाँले ट्रमा सेन्टरमा अभद्र व्यवहारसहित हङ्गामा गर्नुभएको भिडियो सार्वजनिक भएकाे थियाे ।
उक्त घटनापछि राष्ट्रिय ट्रमा सेन्टरका तत्कालिन निमित्त प्रमुख मेडिकल सुपरिटेन्डेण्ड डा.सन्तोष पौडेलले बरालमाथि आवश्यक कारबाही गरि पाऊ भनी काउन्सिलमा पत्र पठाउनुभएको थियो ।
पत्र प्राप्त भएपछि उक्त घटनाबारे छानबीन गर्न जाचबुझ समिती गठन गरि साे सम्बन्धमा के- कसो भएको हो छानबिन गरी उक्त समितिले नर्सिङ परिषद नियमावली, २०६५ को नियम ४(१)(ट) बमोजिम नर्सिङ सेवामा आँच आउने कार्य गर्न नहुने भन्ने व्यवसायीक आचारसंहिता उल्लंघन गरिएको पाइएकोले बराललाई आवश्यक कारवाहीको लागि सिफारिस प्रतिबेदन परिषद समक्ष पेश गरेको थियो ।
बरालले आचार संहिता उल्लङघन गरेको ठहर भएपछि परिषदको दर्ता कितावबाट कायम रहेको जिता बरालको दर्ता नम्बर ८८९४ को नाम परिषदको दर्ता किताबबाट हटाएको काउन्सिलले जानकारी दिएको छ ।
तपाईँको अभिमत