युनिफाइड केन्द्रीय अस्पतालको प्रमुख प्रशासकीय अधिकारीमा प्राडा. जागेश्वर गौतम
काठमाडौं । कोभिड–१९ युनिफाइड केन्द्रीय अस्पताल (विर अस्पताल) प्रमुखमा स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतम नियुक्त हुनुभएको छ ।
आजको मन्त्रीस्तरीय निर्णयबाट आफुलाई युनिफाइड केन्द्रीय अस्पतालको प्रमुख प्रशासकीय अधिकारीमा नियुक्त गरिएको प्राडा. गौतमले जानकारी दिनुभयो । नवनियुक्त प्रशासकीय अधिकारी प्राडा. गौतमले भोलिदेखि नै कार्यभार सम्हाल्नु हुनेछ ।
अस्पतालको प्रमुखमा नियुक्त भएपछि हेल्थपाटीसँग संंक्षिप्त कुरा गर्दै प्राडा. गौतमले यो मेरो लागि अवसर र चुनौती दुबै भएकोले इमान्दारीतका साथ कर्तव्य निभाउने बताउनुभएको छ ।
उहाँले भन्नुभयो, ‘विगत ३० वर्षदेखि म स्वास्थ्य क्षेत्रमा काम गरेको अनुभवले पनि मैले नयाँ जिम्मेवारी निर्वाह गर्न सक्ने दाबी गर्छु ।’ देशको यस्तो जटिल परिस्थितिमा पनि स्वास्थ्य मन्त्रालयको प्रवक्ताको जिम्मेवारी सम्हालेको छु, मैले आर्जन गरेकाे ज्ञान, सिप र क्षमताकाे पुर्णरुपमा सदुपयाेग गरि कोभिड नियन्त्रण तथा रोकथामका लागि इमान्दारीतकासाथ काम गर्ने छु ।’
यो अस्पतालको सञ्चालन स्वास्थ्य तथा जनसंख्या मन्त्रालयले गर्नेछ । यस युनिफाइड अस्पतालले देशभर कोरोना संक्रमितको उपचार गर्ने स्वास्थ्य संस्थाहरुको व्यवस्थापन गर्नेछ।
उहाँले २०७७ गत जेठ २५ गतेदखि स्वास्थ्य मन्त्रालयको प्रवक्ताको जिम्मेवारी सम्हाल्नुभएको थियो ।
तपाईँको अभिमत