अत्यावश्यक बाहेकका सवारी साधनलाई उपत्यका प्रवेशमा राेक !
काठमाडौं । काठमाडौंभित्रका सवारीका साधनमा जोर विजोर प्रणालीअनुसार चल्न पाएपनि उपत्यका बाहिरबाट भने सवारीका साधन प्रवेश गर्न पाइने छैन । अत्यावश्यक सामग्री बोकेका ढुवानीका सवारीका साधनलाई भने रोक लगाइने छैन ।
बिरामी तथा कुरुवा बोकेका एम्बुलेन्स, स्वास्थ्यकर्मी, पशु स्वास्थ्यकर्मी, तथा सुरक्षा निकायले प्रयोग गर्ने सवारी साधन भने उपत्यका प्रवेश गर्न पाउने छन् ।
त्यस्तै अन्य जिल्लाबाट सवारी पास लिई आएका बाहेक अन्य सवारी साधनलाई काठमाडौं उपत्यकामा प्रवेश रोक लगाइएको काठमाडौंका प्रमुख जिल्ला अधिकारी कालीप्रसाद पराजुलीले जानकारी दिनुभयो ।
सरकारले थपिएको निषेधाज्ञालाई केही खुकुलो बनाउने नीति ल्याएसँगै आजदेखि विभिन्न प्रयोजनका लागी तोकिएको समयभित्र सवारी साधन सञ्चालन गर्न पाइने छ ।
तपाईँको अभिमत