चीन लगायतका देशमा एमबीबीएस गरेका विद्यार्थीको इन्टर्नसिपमा ढिलाइ
फाइल तस्विर
हेल्थपाटी - पौष २९, २०७८ १४:५८ मा प्रकाशित
अ +
अ -
चीन लगायत अन्य देशमा एमबीबएस गरेका विद्यार्थीहरुलाई नेपालमै इन्टर्नशिप गर्न सरकारले स्विकृति दिएको १५ दिन बितिसक्दा पनि कार्यान्वयनमा तदारुकता देखिएकाे छैन ।
शिक्षा विज्ञान तथा प्रविधि मन्त्रालयले निर्णय कार्यान्यवनका लागि चिकित्सा शिक्षा आयोगलाई पुस २२ गतेनै पत्र पठाइसकेको छ ।
तर, आयोगले यस सम्बन्धमा प्रक्रृया अगाडि नबढाएको आराेप चीनमा एमबीबीएस गरेका ब्याच नम्बर २०१५ र २०१६ का पीडित विद्यार्थीहरुको छ ।
इन्टर्नका लागि ८ महिना ढिला भइसकेको भन्दै उनीहरुले अब आफुहरुको थप समय खेर नफाल्न सम्बन्धित निकायसँग अनुरोध गरेका छन् ।
कोरोना महामारीका कारण आफु पढेको विश्वविद्यालय फर्कन नपाउँदा एमबीबीएस विद्यार्थीहरुको इन्टर्न रोकिएपछि उनीहरुलाई नेपालमै इन्टर्नको व्यवस्था मिलाउन मन्त्रिपरिषद् बैठकले पुस १४ गते स्विकृति दिने निर्णय गरेको थियो ।
‘हाम्रो भविष्यबारे छिटो पहल गरेर व्यवस्थापन गर्न अनुरोध गर्छाैं,हामी बिद्यार्थीहरूको थप समय खेर नजाओस, ६-८ महीना खेर गइसकेको हाम्रो लागि हरेक १ दिन बहुमूल्य छ,’ विद्यार्थी इमरान अहमद खानले भन्नुभयो ।
जतिसक्दो छिटोचिकित्सा शिक्षा आयोगले कार्यदल बनाई स्वास्थ मन्त्रालय लगायत सबै सरोकारवाला निकायहरूसंग समन्वय गरेर आफुहरुको भविस्यलाई अन्धकार, निरासाबाट उज्यालो निकासको बाटो तर्फ लगिदिन विद्यार्थीहरुले अनुरोध गरेका छन् ।
बढ्दो महामारीमा आफुहरुलाई अस्पतालहरूमा व्यवस्थापन गरी बिरामीहरूको सेवा गर्न अवसर दिन पनि उनीहरुको माग छ ।
तपाईँको अभिमत