कोरोनाका कारण नर्सिङ निरिक्षक सरस्वती कार्कीको निधन
हेल्थपाटी - जेष्ठ १३, २०७८ १२:४३ मा प्रकाशित
अ +
अ -
काठमाडौं । कोरोना संक्रमणका कारण कञ्चनपुरमा एक जना नर्सको निधन भएको छ । बेदकोट नगरपालिका स्वास्थ्य शाखामा कार्यरत नर्सिङ निरिक्षक सरस्वती कार्कीको निधन भएको हो । उहाँ कोरोनाको पहिलो लहरदेखिनै संक्रमितको उपचारमा खटिनभएको थियो ।
एक साताअघि संक्रमण पुष्टि भएपछि उहाँ घरमै आईसोलेसनमा रहनुभएको थियो । बेदकोट नगरका प्रमुख अशोक कुमार चन्दले संक्रमित भई घरमै बस्नुभएकी सरस्वतीलाई स्वास्थ्यमा थप समस्या देखिएपछि महाकाली अस्पताल लगिएको र त्यहाँबाट थप उपचारका लागि कोहलपुर मेडिकल कलेज लगिएकोमा उपचारका क्रममा निधन भएको जानकारी दिनुभयो ।
तपाईँको अभिमत