मेडिकल काउन्सिल र औषधि दर्ता संशोधन नियमावली स्वीकृत
सरकारले नेपाल मेडिकल काउन्सिल (पाँचौं संसोधन) र औषधि दर्ता (चौथौं संसोधन) नियमावली स्वीकृत गरेको छ ।
बिहीबार बसेको मन्त्रिपरिषद्को बैठकले स्वास्थ्य तथा जनसंख्या मन्त्रालयको प्रस्तावमा २ नियमावली संसोधन गर्ने निर्णय गरेको हो ।
मेडिकल काउन्सिलले छिटो छरितो निर्णय लिनका लागि चिकित्सकको व्यवसायिक आचार संहितासहित ऐन नियमावली संशोधनको प्रस्ताव पेश गरेको थियो ।
मेडिकल काउन्सिल नियमावली–२०२४ को अनुसूचीमा हेरफेर गर्न काउन्सिलले स्वास्थ्य मन्त्रालयमार्फत सरकारलाई प्रस्ताव पेश गरेको हो।
प्रस्तावित चिकित्सकको आचारसंहिता व्यवस्था अनुसार अब दर्तावाल चिकित्सकबाट बिरामी र बिरामीका सदस्यहरुमाथि गल्ती भए चिकित्सकलाई कसूर अनुसार सजाय हुनेछ।
यस्तै ग्लोबल फण्डको एड्स, क्षयरोग र मलेरिया रोग रोकथाम तथा नियन्त्रणका लागि सन् २०२१ २४ को कार्यक्रम कार्यान्वयनका लागि त्रिपक्षिय सम्झौतामा स्वास्थ्य सचिवलाई अख्तियारी दिने निर्णय पनि बैठकले गरेको छ।
तपाईँको अभिमत