नेपाल चिकित्सक संघको चुनावमा तीन प्यानलसहित ५४ जनाको उम्मेदवारी, १६,१०० मतदाताले छान्नेछन् तीन वर्षका लागि कार्यसमिति
हेल्थपाटी - पौष ०३, २०८२ १२:५४ मा प्रकाशित
अ +
अ -
आसन्न नेपाल चिकित्सक संघको चुनावमा तीन वटा प्यानल र स्वतन्त्र उम्मेदवारसहित ५४ जनाले प्रतिस्पर्धा गर्ने भएका छन् । डा. बद्री रिजाल र डा. मङ्गल रावलको प्यानल घोषणा भएको हो । यस्तै डा. नारायण भुषालले पनि आफ्नो टिम घोषणा गर्नुभएको छ ।
१९ सदस्यीय केन्द्रीय कार्यसमितिको लागि स्वतन्त्रसहित ५४ जनाको उम्मेदवारी परेको छ ।
टिम डा. बद्री रिजालको तर्फबाट मनोनयन दिने १९ कार्यसमिति सदस्यहरुमा अध्यक्षमा बद्री रिजाल, वरिष्ठ उपाध्यक्षमा डा. सञ्जीव तिवारी महासचिवमा डा. विश्वराज दुवाडी रहनुभएको छ । कोषाध्यक्षमा डा. संयुक्त आचार्य, सहसचिवमा डा. हुलास अग्रवाल र सह–कोषाध्यक्षमा डा तेजसुसिंह मल्लले उम्मेदवारी दिनुभएको छ ।
प्रादेशिक संयोजक समेत उपाध्यक्षहरुमा डा. रोशन खड्का (कोशी), डा. अमित रञ्जन मिश्रा (मधेश), डा. सुवास भट्टराई (वाग्मती), डा. नवराज लमदारी (गण्डकी), डा. नन्द गुरुङ (लुम्बिनी) र डा. प्रमोद जोशी (सुदुरपश्चिम) रहनुभएको छ ।
त्यसैगरी सदस्यहरुमा डा. परशुराम घिमिरे, डा. राकेश साह, डा. सुमेध मिश्रा, डा. बिना श्रेष्ठ, डा. सुस्मित काफ्ले र डा. हिमाल भण्डारी रहनुभएको छ ।
डा. रावल नेतृत्व टिमका उम्मेदवारहरुमा अध्यक्षमा डा. मंगल रावल, वरिष्ठ उपाध्यक्षमा डा. कीर्तिपाल सुवेदी र महासचिवमा डा. कालुसिंह खत्री रहनुभएको छ । कोषाध्यक्षमा डा. चाँदनी जयसवाल, सहसचिवमा डा. रामजीवनप्रसाद र सहकोषाध्यक्षमा डा. सुवास गुरुङले उम्मेदवारी दिनुभएको हो ।
प्रादेशिक संयोजक समेत उपाध्यक्षहरुमा डा. टंक बाराकोटी (कोशी), डा. उदय नारायण सिंह (मधेश), डा. अरुण शाही (वागमती), डा. यज्ञराज सिग्देल (गण्डकी), डा. सन्तोष पोखरेल (लुम्बिनी), डा. रविन खड्का (कर्णाली) र डा. निरज अर्याल (सुदूरपश्चिम) रहनुभएको छ ।
सदस्यहरुमा डा. अमित झा, डा. अरुण उप्रेती, डा. निराजन तामाङ, डा. जेविना अन्सारी, डा. दिक्षा बोहरा र डा. पल्पसा श्रेष्ठ।
डा नारायण भुषालको टिममा अध्यक्षमा नारायण भुषाल, वरिष्ठ उपाध्यक्षमा डा. अजयकुमार मिश्र, महासचिवमा डा. अमित भुषाल र सहसचिवमा डा. सन्तोष अधिकारीले उम्मेदवारी दिनुभएको छ ।
प्रादेशिक संयोजक समेत उपाध्यक्षहरुमा डा. हरी शंकर कार्की (कोशी), डा. मोहम्मद आनामुल हक (मधेश), डा. एकानन्द सिंह (वागमती), डा लक्ष्मण शर्मा (लुम्बिनी) र अनुप समाल (कर्णाली) हुनुहुन्छ । सदस्यहरुमा डा. विजयकुमार शाह, डा. शेषराज घिमिरे, डा. विनोदकुमार महाशेठ, डा. जीवन क्षेत्री, डा. भवानी शिल्पकार र डा. आरती शाहले उम्मेदवारी दिनुभएको हो ।
त्यसैगरी ३ अध्यक्षको टिमबाहेक वागमती प्रादेशिक संयोजक समेत उपाध्यक्षमा डा. रुवशनाथ योगी र कर्णालीमा डा. सरोज गीरीले उम्मेदवारी दिनुभएको छ ।
यो उम्मेदवारी प्रारम्भिक हो । उम्मेदवारको अन्तिम नामावली भने पुस ८ गते प्रकाशन गरिनेछ ।
आगामी तीन वर्षे कार्यकाल (सन् २०२६–२०२९) का लागि आगामी माघमा संघको निर्वाचन हुन लागेको छ । यसका लागि मतदाता संख्या १६ हजार १०० रहेको छ । संघले सूचना जारी गर्दै आसन्न चुनावमा १६,१०० मतदाता रहेको जनाएको हो ।
नेपाल चिकित्सक संघको विधान अनुसार अध्यक्ष–१, वरिष्ठ उपाध्यक्ष–१, उपाध्यक्ष–७ (प्रत्येक प्रदेशबाट १–१ जना प्रादेशिक संयोजक समेत रहने गरी), महासचिव–१, कोषाध्यक्ष–१, सहसचिव–१, सह–कोषाध्यक्ष–१ र सदस्य ६ गरी १९ जनाको केन्द्रीय कार्यसमितिको निर्वाचन हुँदैछ।
र्वाचन कार्यतालिका अनुसार काठमाडौं उपत्यका बाहिर माघ २ र ३ गते तथा काठमाडौं उपत्यका भित्र माघ १५, १६ र १७ गते मतदान हुनेछ ।
तपाईँको अभिमत