वैदेशिक रोजगारीमा जाने श्रमिकको स्वास्थ्य परीक्षणसम्बन्धी नयाँ मापदण्ड खारेज, साविककै शुल्कमा परीक्षण गर्न निर्देशन
हेल्थपाटी - पौष ०६, २०८२ ०५:२९ मा प्रकाशित
अ +
अ -
सरकारले वैदेशिक रोजगारीमा जाने श्रमिकको स्वास्थ्य परीक्षण र त्यससँग सम्बन्धित शुल्कसम्बन्धी नयाँ मापदण्ड खारेज गरेको छ। नवनियुक्त श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले शुक्रबार मन्त्रीस्तरीय निर्णय गर्दै उक्त मापदण्ड खारेज गर्नुभएको हो ।
गत ३० कात्तिकमा श्रम मन्त्रालयले श्रमिकको गुणस्तरीय स्वास्थ्य परीक्षण सुनिश्चित गर्ने उद्देश्यसहित स्वास्थ्य परीक्षणको दायरा विस्तार गरी ३४ प्रकारका परीक्षण अनिवार्य बनाएको थियो। सोहीअनुसार स्वास्थ्य परीक्षण शुल्क ९ हजार ५ सय रुपैयाँ तोकिएको थियो।
साविकको शुल्क ६ हजार ५ सय रुपैयाँ थियो । सोही शुल्कमा परीक्षण गर्न भनिएको छ ।
प्रधानमन्त्री सुशीला कार्कीको निर्देशनपछि उक्त मापदण्ड खारेज गरिएको श्रममन्त्री भण्डारीको भनाइ छ । उहाँका अनुसार मापदण्ड खारेजसँगै वैदेशिक रोजगारीमा जाने श्रमिकलाई पर्ने आर्थिक बोझ कम हुने अपेक्षा गरिएको छ।
तपाईँको अभिमत