पाटन अस्पतालमा डाक्टरमाथि आक्रमण : आजबाट सेवा बन्द गर्ने घोषणा
हेल्थपाटी - कार्तिक २१, २०८० ०७:०५ मा प्रकाशित
अ +
अ -
पाटन स्वास्थ्य विज्ञान प्रतिष्ठान, पाटन अस्पतालमा चिकित्सकमाथि भएको कुटपिटको विरोधमा आजबाट सेवा बन्द हुने भएको छ । अस्पतालका चिकित्सक, स्वास्थ्यकर्मीहरुले आजबाट आकस्मिकबाहेकमा सेवामा उपस्थित नहुने घोषणा गरेका छन् ।
स्वास्थ्यकर्मीमाथि कुटपिट, गालीगलौज, दुर्व्यवहार र ज्यान मार्ने धम्की समेत दिइ बन्धक बनाएर स्वास्थ्य सेवा प्रवाहमा दलख पुर् याइएको आरोप छ ।
यति हुँदा पनि २ दिनसम्म दोषीलाई कुनै कानुनी कारवाही नभएको गुनासो उनीहरुको छ ।
यस्तो त्रासपूर्ण वातावरणमा सेवा दिन असमर्थ रहेको चिकित्सक, स्वास्थ्यकर्मीहरुको भनाइ छ ।
आकस्मिक सेवा र आकस्मिक अप्रेसन बाहेकमा सेवामा उपस्थित नहुने घोषणा चिकित्सकहरुले गरेका छन् ।
गत शनिबार साँझ जेष्ठ नागरिक वार्डमा बिरामीको मृत्यु भएको विषयलाई लिएर दुई चिकित्सकमाथि आक्रमण भएको थियो।
स्वास्थ्यकर्मीले सुईमार्फत गलत औषधि दिएका कारण तत्काल बिरामीको मृत्यु भएको आरोप मृतकका आफन्तले लगाएका छन् ।
दोषीलाई प्रचलित ऐन अनुसार कारवाही नहुँदासम्म सेवा बन्द गर्ने चिकित्सक, स्वास्थ्यकर्मीले बताएका छन् ।
तपाईँको अभिमत