सेनाको हेलिकोप्टरमा ४० सिलिन्डर अक्सिजन रुपन्देही पुर्याइयाे
अ +
अ -
काठमाडौं । अक्सिजनको चरम अभाव भएपछि सेनाको हेलिकोप्टरमा सिमरा र चितवनबाट ४० सिलिन्डर अक्सिजन रुपन्देही पुर्याइएको छ ।
अक्सिजनको अभावमा अस्पतालमा भर्ना भएका कोरोना संक्रमितको मृत्यु हुन थालेपछि बुधबार साँझ हेलिकोप्टरमार्फत अक्सिजन पुर्याइएको हो ।
अक्सिजनको अभावमा बुधबार दिउँसो (आज) वुटवल कोरोना अस्पतालमा ५ जना संक्रमितको मृत्यु भएको थियो ।
रुपन्देहीका तीनवटा अक्सिजन उद्योगले दैनिक ११ सय सिलिन्डर उत्पादन गर्छन् तर दैनिक माग २१ सय ५० रहेको जिल्ला जनस्वास्थ्य प्रमुख राजेन्द्र गिरीले बताउनुभयो ।
रुपन्देहीमा सरकारी दुईवटा र निजी तीनवटा गरी पाँचवटा कोभिड अस्पताल छन् ।
तपाईँको अभिमत