दक्षिण अफ्रिकामा नयाँ भेरियन्ट देखिएपछि विमानस्थलमा कडाइ, क्वारेन्टिन बस्नुपर्ने
हेल्थपाटी - मंसिर १०, २०७८ १५:४६ मा प्रकाशित
अ +
अ -
दक्षिण अफ्रिकामा कोभिड–१९ को नयाँ भेरियन्ट भेटिएपछि विमानस्थलमा कडाइ गरिने भएको छ । स्वास्थ्य तथा जनसंख्यामन्त्रालयका प्रवक्ता डा.कृष्ण पौडेलले अफ्रिकाबाट आएका यात्रुहरु अब अनिवार्य क्वारेन्टिनमा बस्नपर्ने बताउनुभयो । उहाँले यात्रुहरुकाे स्क्रिनिङ गरी कोरोना परीक्षणलाई बढाउने बताउनुभयो ।
जिनोमिक सिक्वीन्सिङका क्रममा दक्षिण अफ्रिकामा नयाँ भेरियन्ट पत्ता लागेको दक्षिण अफ्रिकाका वैज्ञानिकहरुले बताएका छन् ।
नयाँ भेरियन्टका लागि उनीहरुले बी.१.१.५२९ नाम दिएका छन् । दक्षिण अफ्रिकामा अहिलेसम्म नयाँ भेरियन्टका २२ केल पत्ता लागेको दक्षिण अफ्रिकाको राष्ट्रिय सरुवा रोग इन्स्टिच्युटले जानकारी दिएको छ ।
यो नयाँ भेरियन्टमा शरीरको प्रतिरक्षा प्रणालीलाई परास्त गर्ने, र फैलन सकने क्षमता धेरै हुनसक्ने आशंका पनि गरिएको छ । अध्ययन भइरहेकाले त्यसपछि मात्रै निष्कर्षमा पुग्न सकिने वैज्ञानिकहरुको भनाइ छ ।
तपाईँको अभिमत