लक्षित बाहिरका व्यक्तिको भीडले टेकु र वीर अस्पतालमा खोप कार्यक्रम स्थगित
हेल्थपाटी - श्रावन १६, २०७८ १९:०८ मा प्रकाशित
अ +
अ -
शुक्रराज ट्रपिकल तथा सरुवा रोग अस्पताल टेकु र वीर अस्पतालमा भेरोसेल खोपको पहिलो मात्रा लगाउने कार्यक्रम स्थगित गरिएको छ ।
जिल्ला जनस्वास्थ्य कार्यालय काठमाडौंका निर्देशक बद्रीबहादुर खड्काले लक्षित समूहभन्दा बाहिरका व्यक्तिहरुको घुसपेठ नियन्त्रण गर्न कठिन भएको र अस्पतालमा कोभिडका बिरामी बढेकाले हाललाई टेकु र वीर अस्पतालमा खोप कार्यक्रम स्थगित गर्न परेको जानकारी दिनुभयो ।
अरु ६ वटा खोप केन्द्रबाट अत्यावश्यक सेवामा कार्यरत व्यक्तिहरुलाई खोप लगाइने छ । प्रसुती गृह अस्पताल,काठमाडौं मेडिकल कलेज सिनामंगल, निजामती कर्मचारी अस्पताल, शिक्षण अस्पताल, राधाश्वामी आइसोलेसन सेन्टर, सशस्त्र प्रहरी अस्पताल बलम्बुमा अत्यावश्यक सेवाका व्यक्तिहरुले मात्रै खोप पाउने छन् ।
साथै महानगरपालिकाका ३२ वडाको खोप केन्द्र र अरु १० वटा नगरपालिकाका खोप केन्द्रहरुमा भेरोसेल पहिलो मात्रा लगाउने कार्यक्रम यथावत रहेको खड्काले बताउनुभयो । आज टोखा नगरपालिका अन्तर्गत खोप केन्द्र रहेको ग्राण्डी अस्पतालमा लक्षित बाहिरका व्यक्तिले स्वास्थ्यकर्मीमाथी हातपात गरेपछि उक्त नगरमासमेत खोप कार्यक्रम स्थगित गर्नुपर्यो ।
तपाईँको अभिमत