नेपालमा १२ वर्ष माथिका बालबालिकाले कहिले पाउलान् कोरोना खोप ?
नेपालमा पनि बालबालिका लागि कोरोना विरुद्धको खोप ल्याउने तयारी भएपछि जनचासो बढेको छ र आफ्ना बालबालिकाको खोप लगाउने दिन कहिले आउला भन्ने पखाईमा अभिभावहरु छन् ।
स्वास्थ्य तथा जनसंख्या मन्त्रालयले १२ वर्ष माथिका बालबालिकाहरुका लागि फाइजरको खोप ल्याउने कार्य अगाडि बढिरहेको जानकारी दिएको छ । बालबालिका लागि फाइजर खोप ल्याउने प्रक्रिया सकारात्मक रुपमा अगाडी बढिरहेको भएपनि कहिले आउछ भन्ने टुंगो लागेको छैन । तेस्रो लहरमा बालबालिका बढी जोखिममा रहेको विज्ञहरुले बताइरहेका बेला जतिसक्दो छिटो बालबालिकालाई खोपको व्यवस्था हुनपर्ने माग बढिरहेको छ ।
यद्यपी मन्त्रालयले चैत मसान्तसम्ममा सम्पूर्ण नेपाली कोरोना विरुद्धको खोपको पहुँचमा आउने अनुमान गरेको छ । छिमेकी देशहरुबाट प्राप्त अनुदान, कोभ्याक्ससुविधाबाट आउने खोप र नेपाल सरकारले किनेर ल्याउने खोप परिणामका आधारमा मन्त्रालयले चैत मसान्तभित्र सबै नेपालीले खोप पाउने प्रक्षेपण गरेको छ ।
नेपालमा अनुदानबाट र खरिद गरि हालसम्म ९७ लाख ८२ हजार ८५० डोज खोप प्राप्त भएको जानकारी विज्ञप्ति माफर्त पौडेलले दिनुभएको छ । हाल कोभिशिल्ड, भेरोसेल र जोनसनको खोप प्रयोग भइरहेकोे छ । भारत सरकारको अनुदानबाट नेपाली सेनालाई सहित १ लाख, सेरम इन्स्टिच्युटबाट खरिद गरिएको १० लाख, तथा गाभी कोभ्याक्सबाट ३ लाख ४८ हजार डोज गरि कुल २४ लाख ४८ हजार कोभिशिल्ड खोप प्राप्त भएको छ ।
यसैगरी चीनबाट २ पटक अनुदानमा १८ लाख डोज तथा नेपाल सरकारबाट साईनोफार्म कम्पनिसँग गरिएको खोप खरिदको सम्झौता अनुसार २०७८ आषाढ २४, श्रावण ७, ८, १० र १५ गते प्राप्त ४० लाख डोज गरि कुल ५८ लाख डोज भेरोसेल खोप आपूर्ति भएको छ ।
यस्तै अमेरिकाबाट अनुदानमा प्राप्त जोनसन एण्ड जोनसनको १५ लाख ३४ हजार ८५० डोज खोप नेपाल भित्रिसकेको छ । स्वास्थ्य मन्त्रालयले असोज मसान्तसम्म १ करोड ८३ लाख ८२ हजार ८५० डोज खोप प्राप्त हुने आँकलन गरेको छ ।
मन्त्रालयका अनुसार असोज मसान्तसम्म साईनोफार्म कम्पनिसँग कुल ६० लाख डोज खोप खरिदको सम्झौता अगाडी बढिसकेको र कोभ्याक्स सुविधाबाट जापान सरकारले अनुदानमा उपलब्ध गराउने १६ लाख डोज र भारतबाट खरिदको बाँकी १० लाख डोज प्राप्त हुनेछ ।
तपाईँको अभिमत