बाँके दुर्घटना अपडेट : मृत्यु हुनेको संख्या १२ पुग्यो, ३३ जनाकै कोरोना परीक्षण

काठमाडौं । नेपालगञ्जबाट दाङ आउँदै गरेको यात्रुबाहक (फोर्सको ट्राभलर् बस ) दुर्घटनामा मृत्यु हुनेको संख्या १२ पुगेको छ ।  बसमा सबार ३३ जनाकै कोरोना परीक्षण  गरिने भएकाे छ । दुर्घटनामा मृत्यु भएका १२ जनाको स्वाब संकलन हुन बाँकी रहेको भेरी अस्पतालका मेडिकल सुपिरटेन्डेन्ट डा. प्रकाश थापाले जानकारी दिनुभयो । घाइतेहरुको स्वाब संकलन गर्ने कार्य सकिएको छ, अब मृतकको स्वाब संकलन केही समयमै सुरु हुन्छ थापाले भन्नुभयो ।

बसमा सवार ३३ जना मध्ये ११ जना अस्पताल आउनुपूर्व ,एक जनाको उपचारका क्रममा मृत्यु भएको थियो भने ४ जनाको अवस्था गम्भिर रहेको छ भने १७ जना घाइतेहरुमध्ये कसैको हात खुट्टा भाँचिएकाे कसैको जिउमा चोट लागेको छ तर अवस्था भने गम्भिर नरहेकाे थापाले जानकारी दिनुभयो ।  बिहान साढे एक बजे घाइतेहरुलाई अस्पताल ल्याइएको थियो  । चिकित्सक तथा

स्वास्थ्यकर्मीहरुले पीपीई लगाई पूर्ण सुरक्षा अपनाउदै घाइते सबैको उपचार गरिरहेको र मृतकको अन्तिम संस्कारका सम्बन्धमा कोरोना रिपोर्ट आएपछि मात्रै निर्णय लिइने मेसु थापाले जानकारी दिनुभयो । मृतकको शव हाल अस्पतालमा पूर्ण सावधानीका साथ राखिएको छ ।

याे पनि पढ्नुहाेस् :  कोरोनाबाट बच्न खोज्दा बस दुर्घटनामा ११ को ज्यान गयो, २२ घाइते