कोरोना संक्रमणबाट सिनियर अनमी गुरुङको निधन
हेल्थपाटी - कार्तिक २५, २०७७ १०:५१ मा प्रकाशित
अ +
अ -
काठमाडौं । कोरोना संक्रमणबाट एक अनमीको निधन भएको छ । लुम्बिनी सांस्कृतिक नगरपालिका मधुवनी स्वास्थ्य चौकी रुपन्देहीमा कार्यरत ४८ वर्षकी सिनियर अनमी गोमा गुरुङको सोमबार राती पौने १० बजे भैरहवास्थित भीम अस्पतालमा निधन भएको हो ।
स्वास्थ्य सेवामा गुरुङ २० वर्ष अघिदेखि कार्यरत हुनुहुन्थ्यो । भीम अस्पतालका सूचना अधिकारी नारायण पोखरेलले कात्तिक १७ गते गुरुङलाई गम्भीर अवस्थामा अस्पताल ल्याइएकोमा भोलिपल्ट कोरोना पुष्टि भएको जानकारी दिनुभयो ।
रेम्डिसिभिर र प्लाज्मा थेरापीबाट समेत उपचार गरिएको भए पनि स्वास्थ्यमा सुधार नआएपछि कार्तिक २४ गते गुरुङको निधन भएको पोखरेलले बताउनुभयो ।
यसअघि नेपालमा कोरोना संक्रमणबाट १ डाक्टर, ५ नर्स, २ अहेव र १ प्रयोगशालाकर्मी गरि ९ स्वास्थ्यकर्मीको निधन भइसकेको छ ।
तपाईँको अभिमत