चीनमा एमबीबीएस गरेका विद्यार्थीकोे माग : नेपालमै इन्टर्नशीप गर्न पाउनुपर्छ

चीनमा एमबीबीएस अध्ययन गरेका विद्यार्थीहरुले नेपालमै इन्टर्नशीप गर्न पाउनुपर्ने माग राखेका छन् । चीन सरकारको छात्रवृत्ति र आफ्नै लगानीमा विभिन्न विश्व विद्यालयहरुमा अध्ययन गरी सैद्धान्तिक विषय सकाएका विद्यार्थीहरुले नेपालमै इन्टर्नशीप गर्न पाउनु पर्ने माग राख्दै आन्दोलित भएका छन् ।  

सन् २०१५ र २०१६ मा चीनमा एमबीबीस गरेका करीब १५० जना विद्यार्थीहरु आन्दोलित भएका हुन् । चीनमा एमबीबीएस पढिरहेका विद्यार्थीहरुले कोरोना महामारीका कारण नेपाल फर्कनुपर्दा त्यही इन्टर्न गर्न पाएनन् । नाका नखोलेकाले नेपाल आएका विद्यार्थीहरु  चीन फर्कन नपाउँपछि उनीहरु एक वर्षदेखि नेपालबाटै अनलाइन मार्फत पढिरहेका थिए ।  

विद्यार्थीहरुको अनुरोधमा गत असार २३ गते चिकित्सा शिक्षा आयोग र मेडिकल काउन्सिललृ सन् २०२० को अप्रिल सम्म अन्तिम परीक्षा सकेका विद्यार्थीलाई नेपालकैै इन्टर्नको व्यवस्था मिलाउने निर्णयमा २०२० मे देखि जुलाइसम्म अध्ययन सकेका विद्याथीहरुलाई नसमेटेको आन्दोलनरत विद्यार्थीहरुको भनाइ छ ।

उनीहरु काउन्सिलको गेटमा शान्तिपुर्ण धर्नामा बसिरहेका छन् ।

हाम्रो इन्र्टनशीप कहिले ? एलएमसीको पाराले दुख पाउने साराले, हाम्रो भविष्यमाथि एनएमसीले मनपरी निर्णय गर्न पाउदैन लगायतको पोष्टर लिएर बसिरहेका छन् ।  तर काउन्सिलले भने अनलाइन पढेका विद्यार्थीहरुले फेरि नेपालकै कलेजमा एक वर्ष पढेपछि मात्रै इन्टर्न गर्न पाउने  बताएको छ । यसरी पहिला अनलाइनमार्फत पढेका विद्यार्थीलाई इन्टर्न दिने निर्णय गरेको काउन्सिलले एक वर्षपछि निर्णय फेरेर विद्यार्थीहरुको समय र भविष्य अन्यौलमा पार्न खोजेको विद्यार्थीहरुको भनाइ छ ।