स्वास्थ्यकर्मीलाई आक्रमण गर्नेलाई कडा कारबाही : पूर्वस्वास्थ्यमन्त्री अधिकारी

काठमाडौं । नेकपा एमाले स्वास्थ्य तथा जनसंख्या विभाग प्रमुख एवं पूर्वस्वास्थ्यमन्त्री खगराज अधिकारीले स्वास्थ्यकर्मीमाथी आक्रमण गर्ने जोसुकैलाई कडा भन्दा कडा कारबाही गर्ने गरि कानुन ल्याइने बताउनुभएको छ ।

स्वास्थ्यकर्मीमाथी आक्रमण गर्ने जोसुकै लाई (जेल विथवाउट बेल) कारबाही गर्न अध्यादेश ल्याउन पहल गरिरनुभएका अधिकारीले केहिदिनमै  अध्यादेश जारि हुने बताउनुभयाे ।स्वास्थ्यकर्मी तथा संचारकर्मीहरु संग जुम मार्फत कुरा गर्दै उहाँले स्वास्थ्यकर्मीलाई स्वास्थ्यकर्मीमाथी आक्रमण गर्नेलाई शक्ति र राजनीतिक आडमा नछाडिने स्पष्ट पार्नुभयो ।

भेरी अस्पतालमा भएको घटनामा आक्रमण गर्ने सरकारको पाटीका व्यक्ति अनि कानुन बनाउने त्यही पाटीको सरकार, याे अवस्थामा कडा भन्दा कडा कारबाही गर्नुहुन्छ ? हेल्थपाटीको प्रश्नमा अधिकारीले भन्नुहुन्छ, स्वास्थ्यकर्मीलाई आक्रमण गर्ने जोसुकैलाई कारबाही गर्छाैं, नेकपा एमालेमा रहदैन तथा कडा भन्दा कडा कानुनि कारबाही कारबाही हुन्छ । 

पछिल्लो समय स्वास्थ्यकर्मीमाथी आक्रमणका घटना बढेपछि स्वास्थ्यकर्मीहरुले जेल विथ वाउट बेलको माग गरिरहेका छन् । भेरी अस्पतालमा भएको घटनाले यसको आवश्यकता अझ बढी देखिएको छ ।

स्वास्थ्य सुरक्षा नभएसम्म आफुहरु ढुक्कसाथ उपचारमा खटिन नसक्ने उनीहरुको भनाइ छ । केही समय दोषीलाई नियन्त्रणमा लिएको जस्तो गर्ने र पछि शक्ति र राजनीतिक आडमा छाडिदिने प्रवृत्ति पटक पटक हुँदै आएकाले यसपटक आफुहरु चुप लागेर नबस्ने अडानमा स्वास्थ्यकर्मीहरु छन् ।