'काेराेनाकाे कारण विश्वको आधा जनसंख्याकाे रोजीरोटी गुम्ने'

जेनेभा । कोरोना महामारीका कारण विश्वका आधा जनसंख्याले आफ्नो रोजीरोटी गुमाउने खतरा देखिएको छ । अन्तर्राष्ट्रिय श्रम संगठन (आईएलओ) लगायत चारवटा संगठनले निकालेको संयुक्त वक्तव्यका अनुसार विश्वको आधा जनसंख्याको जीवनयापनमा खतरा तथा करिब १४ करोडकाे संख्याले चरम गरिबी भाेग्नुपर्ने देखिएको हो ।

आईएलसहित खाद्य तथा कृषि संगठन (एफएओ), कृषि विकासका लागि अन्तर्राष्ट्रिय कोष (आईएफएडी) तथा विश्व स्वास्थ्य संगठन (डब्लूएचओ) ले संयुक्त वक्तव्य निकालेका हुन् ।

‘लाखौँ उद्योगहरूले अस्तित्वको खतरा मोल्नुपर्ने हुन्छ’, वक्तव्यमा भनिएको छ, ‘करिब विश्वको आधा कामदार ३ अर्ब ३० करोडको जागिर गुमेर रोजीरोटी नै गुमाउने खतरा रहेको छ ।’ वक्तव्यका अनुसार ६९ करोड चरम गरिबीमा १३ करोड २० लाख चरम गरिबीको संख्या थपिने खतरा रहेको छ ।

अनौपचारिक क्षेत्रमा काम गरिरहेका कामदार बढी चरम गरिबीको चपेटामा पर्ने बताइएको छ । ‘लकडाउनका बेला आय नहुने धेरैले आफू र आफ्ना परिवारलाई खानेकुराको व्यवस्था गर्न सकेका छैनन्’  वक्तव्यमा भनिएको छ, ‘खासमा आय नहुनुको मतलब खाना नहुनु हो ।’

यसैगरी साना आय भएका मुलुकका बासिन्दामा पोषणको कमी हुने, बिरामी पर्ने तथा ज्यानै जाने खतरा रहेको छ । त्यसमा पनि विशेषगरी सिमान्तकृत समुदायका मानिसमा यो समस्या आउने वक्तव्यमा भनिएको छ ।