भारतमा कोरोना संक्रमण दर उच्च, एकै दिन ३ लाख १६ हजार संक्रमित

हेल्थपाटी
बैशाख ०९, २०७८ ०८:१८ मा प्रकाशित

अ + अ -

काठमाडौँ । भारतमा पछिल्लो २४ घण्टामा ३ लाख १६ हजार जनामा कोरोना संक्रमण भएको छ । एकै दिन २ हजार १०२ जनाको मृत्यु भएको भारतीय सञ्चार माध्यमले जनाएका छन् ।
एकैदिन कोरोना भाइरसका संक्रमितको संख्या थपिनेमा भारत संसारकै पहिलो देश बनेको छ । अमेरिकामा यसअघि एकैदिन ३ लाख संक्रमित थपिएको तथ्याकं छ ।
जनवरीमा अमेरिकामा ३ लाख ७ हजार ५ सय ८१ जना संक्रमित थपिएका थिए ।
संक्रमण दर बढेसँगै भारतमा कोरोनाबाट मृत्यु हुनेको संख्या पनि बढिरहेको छ ।
भारतका महाराष्ट्र, दिल्ली, केरला, उत्तर प्रदेश, छत्तीसगढलगायत राज्यमा कोरोना दर ह्वात्तै बढिरहेको छ ।
भारतमा अहिलेसम्म १ करोड ५९ लाख मानिसमा कोरोना संक्रमण भएको छ भने १ लाख ८४ हजार संक्रमितको मृत्यु भइसकेको छ ।