चन्द्रागिरीमा कार दुर्घटना हुँदा डाक्टरसहित परिवारका ५ जनाको मृत्यु 

चन्द्रागिरीको सेतो पहरामा कारदुर्घटना हुँदा ५ जनाको मृत्यु भएको छ। काठमाडौंबाट चित्लाङतर्फ जाँदै गरेको कार शनिबार ११ :५५ बजे हिमचुली सेतो पहरास्थित सडकबाट ५०० मिटर तल खसेको थियो।

दुर्घटनामा ४ जनाको घटनास्थलमै मृत्यु भएको हो भने एक जनाको उपचारका क्रममा मृत्यु भएको हो। भ्यानमा सवारमध्ये एक जना सकुसल रहेको जिल्ला प्रहरी कार्यालय काठमाडौंले जनाएको छ।

दुर्घटनामा ३८ वर्षीय डा.महेशकुमार गौतमको परिवारको मृत्यु भएको हो । दुर्घटनामा डा.गौतमका छोराछोरी  र सासु ससुराको मृत्यु भएको छ ।  डा. गौतमसहित उहाँका ४ वर्षीय छोरा प्रियान्स गौतम, ६ वर्षीया छोरी स्मारिका गौतम, ६७ वर्षीय ओमकार निधि तिवारी र ६४ वर्षीया कल्पना तिवारीको मृत्यु भएको हो।

डा. गौतम बाल रोग विशेषज्ञ हुनुहुन्छ । उहाँ नेपाल आस्थमा एलर्जी सेन्टर लाजिम्पाटमा कार्यरत हुनुन्थ्यो । 

दुर्घटनामा क्यान्सर रोग विशेषज्ञ डा सृष्टि तिवारी गौतम भने घाइते हुनुभएको छ ।
उहाँको बयोधा अस्पतालमा उपचार भइरहेको छ।