नयाँ प्रजातिकाे काेराेना भाइरस १३ देशमा फैलियाे
काठमाडौं । हालैका दिनहरुमा विश्वभर कोरोना भाइरसको नयाँ तिन प्रकार(भेरियन्ट) देखिएका छन् । काेराेनाकाे फरक – फरक तिन प्रकार(प्रजाति) कम्तिमा १३ वटा देशमा फैलिएको छ । बेलायत, दक्षिण अफ्रिका, नाइजेरिया, फ्रान्स, जापान, नेदरल्याण्ड, स्वीडेन, सिंगापुर, अष्ट्रेलिया, स्पेन, क्यानाडा,इटाली र लेवनानमा कोरोनाका नयाँ प्रकार देखिसकेको छ ।
कोरोनाका नयाँ प्रकार देखिन थालेपछि कतिपय देशहरुमा केही समयका लागि उडान सेवा बन्द गरिएका छन् भने नयाँ स्ट्रेन देखिएका देशबाट हुने यात्रामा रोक लगाइएको छ ।
दु्रत गतिमा फैलन सक्ने क्षमता रहेको नयाँ प्रकारको कोरोना सुरुमा बेलायतमा देखिएको थियो । बेलायतमा देखिएको कोरोनाको नयाँ प्रकारसँग ७० प्रतिशतभन्दा बढी सार्न सक्ने क्षमता रहेको बताइएको छ ।
यद्यपी कोरोनाको यी कुनै पनि प्रकार घातक रहे /नरहेकाे तथा अहिले विकास भइरहेका खोपले ती प्रकार विरुद्ध काम गर्छ या गर्दैन भन्ने एकीन भने छैन । डिसेम्बर १४ मा पहिलो पटक बेलायतमा भीयूआई २०२०१२/०१ नामकको कोरोना प्रकार भेटिएको थियो ।
यो प्रकार मध्य सेप्टेम्बरतिर देखिएको हुनसक्ने अनुसन्धानबाट खुुल्न आएको छ । त्यसपछि बेलायतका धेरै स्थानहरुमा नयाँ स्ट्रेनका कोरोनाका बिरामीहरु फेला परे । गत हप्ता दक्षिण अफ्रिकामा कोरोनाको अर्काे प्रकार भेटियो जुन बेलायतमा भेटिएको भन्दा फरक थियो।
अफ्रिकामा ५०१.भी२ नामको प्रकार थियो । अफ्रिकामा डिसेम्बर २४ मा रोग नियन्त्रण तथा रोकथाम केन्द्रले पुन अर्काे प्रकार भेटिएको पुष्टि गर्यो । त्यो प्रकारको नाम थिया पी ६८१एच जुन नाइजेरियामा पहिचान भएको थियो । नाइजेरियामा भेटिएको कोरोनाको स्वरुप बेलायत र दक्षिण अफ्रिकामा देखिएका २ प्रकारभन्दा तिव्र फैलन सक्ने देखिएको छैन ।
यस्तै अष्ट्रेलियामा डिसेम्वर २१ मा २ जना बिरामी फेला परे जसले बेलायतको यात्रा गरेका थिए । विश्व स्वास्थ्य संगठनका अनुसार डेनमार्कमा ९ जना कोरोनाका नयाँ प्रकारका बिरामी फेला परेका थिए । क्यानाडाका अधिकारीहरुले ओन्टारियो प्रान्तमा डिसेम्वर २६ मा २ जनामा नयाँ प्रकारको संक्रमण भएको पुष्टि गरे ।
ति २ जना बेलायतमा देखिएको नयाँ स्ट्रेनबाट संक्रमित भएका थिए । तर उनीहरुको कुनैपनि ट्राभल हिस्ट्री थिएन । फ्रान्समा डिसेम्बर २५ मा नयाँ प्रकारको संक्रमणबाट १ जना बिरामी भएको पुष्टि भयो जो बेलायतबाट डिसेम्बर १९ मा स्वदेश फर्किएका थिए ।
यस्तै,इटालीमा पनि डिसेम्वर २३ मा कोरोनाको नयाँ प्रकारबाट संक्रमित भएको दोस्रो केस देखियो । त्यो केस बेलायतमा देखिएको प्रकारभन्दा फरक थियो ।
डिसेम्वर २५ मा जापानमा पनि ५ जना कोरोनाको नयाँ प्रकारबाट संक्रमित भएको पाइयो । उनीहरु बेलायतबाट फर्किएका थिए । डिसेम्वर २५ मा लेवनानमा कोरोनाको नयाँ प्रकारका संक्रमित देखियो । डिसेम्वर २२ मा नेदरल्याण्डमा पनि २ वटा केस देखियो भने
नाइजेरियामा डिसेम्वर २४ मा २ जना बिरामी फेला परे । सिंगापुरमा बेलायतमा देखिएकै नयाँ स्ट्रेनका बिरामी भेटिए जुन डिसेम्वर २४ मा पुष्टि भयो । नोभम्वर १७ देखि डिसेम्वर १७ को बीचमा ३१ जना संक्रमित सिंगापुर पुगेकोमा एक जनालाई बी११७ नामको नयाँ प्रजातिकाे काेराेनाबाट संक्रमण भएको थियो ।
स्पेनमा डिसेम्वर २६ मा ४ वटा केस भेटियो । चारै जना संक्रमितले बेलायतको यात्रा गरेका थिए । अफ्रिकामा बेलायतको भन्दा फरक प्रकार भेटियो । स्वीडेनमा बेलायतमा देखिएको भन्नदा याँ प्रकारको संक्रमित भेटियो ।
अल्जजीरा ।
तपाईँको अभिमत