काठमाडौं बाहिर पनि मिर्गाैला प्रत्यारोपण,पश्चिमाञ्चल क्षेत्रीय अस्पतालमा प्रत्यारोपण सेवा सुरु
उमा आलेमगर- आषाढ ०९, २०७९ १९:१८ मा प्रकाशित
अ +
अ -
अब मिर्गाैलाका बिरामीको प्रत्यारोपण काठमाडौं बाहिर पनि हुन थालेको छ । बिहिबार पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रिय अस्पतालमा पहिलोे मिर्गाैला प्रत्यारोपण सफल भएको छ ।
गण्डकी प्रदेश मै पहिलो पटक प्रतिष्ठानको आन्तरिक खर्च व्यवस्थापन गरी सुरु गरिएको उक्त सेवा धर्मभक्त राष्ट्रिय प्रयारोपण केन्द्र र प्रतिष्ठानको सहकार्यमा सम्पन्न भएको हो ।
प्रत्यारोपण केन्द्रका निर्देशक डा. पुकारचन्द्र श्रेष्ठ तथा प्रतिष्ठानका डा. प्रकाश क्षेत्री सहितको टिमले करिब ४ घण्टाको समय लगाएर ५० बर्षिय महिला विरामीमा ५१ बर्षिय पुरुषको किड्नी प्रत्यारोपण गर्न सफल भएका प्रतिष्ठानका निर्देशक प्राडा.भरतबहादुर खत्रीले जानकारी दिनुभयाे ।
पोखरामा दैनिक डायलासिस गर्नुपर्ने विरामी ५ सय भन्दा बढि छन् । पोेखरामा नै मिर्गाैला ट्रान्सप्लान्ट हुने भएपछि बिरामीको उपचारमा सहज हुने र आगामी दिनमा उक्त सेवालाई वढाउँदै लैजाने योजना रहेको अस्पतालको भनाई छ ।
तपाईँको अभिमत