स्वास्थ्यकर्मीलाई तत्काल जोखिमभत्ता उपलब्ध गराउन स्वास्थ्य मन्त्रालयको निर्देशन
काठमाडौं । स्वास्थ्य तथा जनसंख्या मन्त्रालयले कोराना संक्रमितको उपचारमा खटिएका डाक्टर, नर्स, स्वास्थयकर्मी तथा सम्पूर्ण जनशक्तिलाई तत्काल जोखिमभत्ता उपलब्ध गराउन सबै कोभिड अस्पतालहरुलाई निर्देशन दिएको छ ।
स्वास्थ्य मन्त्रालयले विज्ञप्ति निकालेर कोरोनाको उपचारमा संलग्न जनशक्तिलाई भत्ता नदिएको स्वाथ्यकर्मीहरूको गुनासोप्रति आफ्नो गम्भीर ध्यानाकर्षण भएको भन्दै जोखिमभत्ता उपलब्ध नगराएका सबै कोभिड अस्पताललाई यथाशीघ्र वितरण गर्न निर्देशन दिएको हो ।
जोखिमभत्ता व्यवस्थापन आदेश, २०७७ अनुसार जोखिममा रही कामकाज गर्ने सबै किसिमका जनशक्तिका लागि मन्त्रालयबाट रकम निकासा भइसकेको मन्त्रालयको विज्ञप्तिमा उल्लेख गरिएको छ ।
कोभिड - १९ अस्पतालहरुलाई कोरोना भाइरसको संक्रमणको उपचार बापत अस्पतालहरुलाई अनुदान उपलव्ध गराउने सम्बन्धी आदेश २०७७ बमोजिम प्रति विरामी प्रति दिनका हिसाबले असोज मसान्तसम्मको ६६ करोड ८७ लाख ४५ हजार रुपियाँ निकासा भइसकेको मन्त्रालयले जनाएको छ । कार्तिक महिनाको भुक्तानीकाे क्रममा रहेको मन्त्रालयको भनाइ छ ।
तपाईँको अभिमत