कोरोना बीमाको रकम ३ दिनभित्र भूक्तानी गर्न अर्थकाे निर्देशन
हेल्थपाटी - मंसिर १८, २०७७ १८:१९ मा प्रकाशित
अ +
अ -
काठमाडौं । कोरोना बीमा दाबी भूक्तानी न्यून संख्यामा मात्र भएको भन्दै अर्थ मन्त्रालयले राष्ट्रिय बीमा कम्पनी र नेपाल बीमक संघलाई अबदेखि ३ दिन भित्र भुक्तानीको व्यवस्था मिलाउन निर्देशन दिएको छ ।
अर्थमन्त्री विष्णु पौडेलको उपस्थितिमा आज बसेको मन्त्रालयको बैठकले बीमा मापदण्ड बमाृजिम प्रकेया तथा कागाजात पुरा भएका दाबीहरुको भूक्तानी ३ दिनभित्र गरि सोको जानकारी दैनिक मन्त्रालयमा गराउन कम्पनी र संघलाई निर्देशन दिएको हो ।
यस्तै हालसम्म बीमा कम्पनीहरुबाट प्राप्त दावी भुक्तानीमा देखिएका समस्या, त्यसका लागि भइरहेका प्रयास लगायतका विषयमा पनि मन्त्रालयमा विवरण पठाउन अर्थ मन्त्रालयले भनेको छ ।
कोरोना बीमा भूक्तानीमा बीमकहरुले समस्या झेल्नुपरेपछि अर्थमन्त्रालयले यस्तो निर्णय गरेको हो ।
तपाईँको अभिमत