कोभिडका नाममा शुल्क असुल्ने निजी अस्पताललाई कारबाही : स्वास्थ्य मन्त्रालय
काठमाडौं । निजी अस्पतालहरुले कोभिड–१९ का नाममा सेवाग्राहीहरुसँग चर्काे शुल्क असुल्ने गरेको गुनासो आएपछि ती अस्पतालहरुलाई कारबाही गर्न स्वास्थ्य तथा जनसंख्या मन्त्रालय अघि बढेको छ ।
कोभिड–१९ को बहानामा केही निजी अस्पतालहरुले सबै किसिमका सेवाहरुमा अतिरिक्त शुल्क लिने गरेको पाइएपछि स्वास्थ्य मन्त्रालयले त्यस्ता अस्पतालहरुलाई उक्त कार्य बन्द गर्न सूचित गरेको छ ।
मन्त्रालयले जारी गरेको विज्ञप्तिमा भनिएको छ, वर्तमान कठिन समयमासमेत यस किसिमले केही अस्पतालहरुले ओपीडि लगायतका सबै किसिमका सेवाहरुमा केही प्रतिशत खर्च जोडेर शुल्क दिने कामहरु नगर्नु हुन र त्यसरी लिइएको पाइएमा नियमानुसार कारबाही हुनेछ ।
कोरोना महामारी सुरु भएयता केही निजी अस्पतालहरुले पीपीई र कोभिड सुरक्षाका नाममा सेवाग्राहीसँग चर्काे शुल्क असुल्दै आएका छन् ।
तपाईँको अभिमत