साउन १ गतेबाट लामो दुरीको सार्वजनिक यातायात खोल्ने तयारी
फाइल तस्बिर
हेल्थपाटी - आषाढ ३०, २०७८ १४:५३ मा प्रकाशित
अ +
अ -
काठमाडौं । कोरोना भाइरस संक्रमणको चेन ब्रेक गर्न भन्दै काठमाडौं उपत्यकासहित देशका अधिकांस जिल्लामा जारी गरिएको निषेधाज्ञाले बन्द रहेको लामो दुरीको सार्वजनिक यातायात साउन १ गतेबाट खोल्ने तयारी भएको छ । वैशाख १६ गतेदेखि जारी निषेधाज्ञा अहिले खुकुलो भएपनि लामो तथा मध्यम दुरीको सार्वजनिक यातायात सञ्चालनमा आएको छैन ।
उपत्यकाका प्रमुख जिल्ला अधिकारीहरुको बैठकमा लामो तथा मध्यम दुरीको सार्वजनिक यातायात खोल्ने विषयमा छलफल भएको र साउन १ गतेबाट खोल्ने सम्भावना धेरै रहेको नेपाल यातायात व्यवसायी राष्ट्रिय महासचिव सरोज सिटौलाले जानकारी दिनुभयो ।
‘हामीले स्वास्थ्यमा मापदण्ड पालना गरि लामो तथा मध्यम दुरीको यातायात पनि खोल्न पाउनुपर्छ भनेर अनुरोध गरेका छौं, उहाँहरुले १/२ दिन पर्खन बचन दिनुभएको छ । त्यसैले मलाई लाग्छ साउन १ गतेबाट लामो तथा मध्यम दुरीको यातायात सञ्चालनमा आउनेछ,’ सिटौलाले भन्नुभयो ।
असार १५ गतेदेखि उपत्यकामा २५ सिटभन्दा माथिमा सबै सार्वजनिक यातायात खुला भइसकेको छ ।
तपाईँको अभिमत