नेपालमा इन्डोस्कोपी भित्र्याउने कर्माचार्यको कोरोना संक्रमणबाट निधन
हेल्थपाटी - कार्तिक २५, २०७७ ०८:४३ मा प्रकाशित
अ +
अ -
काठमाडौं । नेपालमा इन्डोस्कोपी मेशिन भित्र्याउने मेडिकल व्यवसायी श्याम कर्माचार्यको कोरोना संक्रमणबाट निधन भएको छ । कार्तिक ७ गते कोरोना पुष्टि भएपछि ८३ वर्षका कर्मचार्यलाई अस्पताल भर्ना गरिएको थियो ।
कर्माचार्यको उपचारका क्रममा नर्भिक अस्पतालमा कार्तिक २२ गते निधन भएको बायोमेडिकल इन्जिनियर सरु तामाङले जानकारी दिनुभयो । उहाँलाई मधुमेह, मुटुको समस्या पनि थियो ।
कर्माचार्य, काठमाडौं अस्पतालका अध्यक्ष तथा मेडिकल सामग्री सप्लायर्स राचेल इन्टरनेशनलका सञ्चालक समेत हुनुहुन्थ्याे । 'नेपालमा ल्याप्रोस्कोपी र हिस्टेरोस्कोपी सर्जरीको थालनी र विकासको लागि भारत लगायत अन्य देशबाट विशेषज्ञ ल्याएर तालिम, सेमिनार गर्नुहुन्थ्यो भने नेपाली डाक्टरलाई विदेशमा तालिमलिन पठाउने लगाएत बिभिन्न सहयाेग गर्नुभएकाे थियाे', स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमले कर्माचार्यको स्मरण गर्दै फेसवुकमा लेख्नुभएको छ ।
तपाईँको अभिमत