कोरोना महामारी : ९० प्रतिशत मुलुकको अत्यावश्यक स्वास्थ्य सेवा अवरोध
जेनेभा । कोरोना महामारीका कारण विश्वका ९० प्रतिशत मुलुकको अत्यवाश्यक स्वास्थ्य सेवामा कुनै न कुनै अवरोध सिर्जना भइरहेको एक सर्वेक्षणले देखाएको छ ।
विश्व स्वास्थ्य संगठन (डब्लूएचओ)ले गरेको एक सर्वेक्षणअनुसार करिब ९० प्रतिशत मुलुकमा एक वा सोभन्दा बढी अत्यावश्यक स्वास्थ्य सेवामा अवरोध भएको देखिएको हो ।
सर्वेक्षणअनुसार स्वास्थ्य प्रणाली नै बिग्रिने तथा स्वास्थ्य सेवाको सीमा खुम्चिने समस्या चाहिँ कम भएको देखिएको छ । यसअघि २०२० को मध्यमा गरिएको सर्वेक्षणमा स्वास्थ्य प्रणाली नै तहसनहस भएका मुलुकहरू पनि धेरै रहेका थिए ।
सो समयको सर्वेक्षणमा औसतमा आधा अत्यावश्यक स्वास्थ्य सेवाहरू अवरुद्ध भएको देखिएको थियो । सन् २०२१ को पहिलो ३ महिनामा भने स्वास्थ्य सेवामा सुधार भएको डब्लूएचओले जनाएको छ । अहिले एक तिहाइ सेवाहरू मात्र अवरुद्ध रहेको बताइएको छ ।
तपाईँको अभिमत