आँखा परीक्षणबाट पहिचान हुन्छ शरीरका गम्भीर रोगहरु
तुलसा घिमिरे- आश्विन २४, २०८० १९:३० मा प्रकाशित
अ +
अ -
आँखा परीक्षणबाट पहिचान हुन्छ शरीरका गम्भीर रोगहरु आँखा जाँचेर पत्ता लाग्न सक्छ शरीरका गम्भीर रोगहरू के तपाईलाई आँखा परीक्षणबाट शरीरका अन्य गम्भीर रोगहरु पनि पत्ता लाग्छ भन्ने थाहा छ ?
हो नियमित स्वास्थ्य परीक्षणबाट पत्ता नलागेका कतिपय रोगहरु आँखाको परीक्षणबाट पहिचान हुन सक्छ । व्यक्तिले आफु स्वस्थ छु भन्दैगर्दा कतिपय घातक रोगको लक्षण उसको आँखामा देखिरहेको हुन्छ ।
नेत्ररोग विशेषज्ञहरुका अनुसार आँखाको जाँचबाट ब्रेन ट्युमर, क्यान्सर, मधुमेह, उच्चरक्तचाप, मुटुरोग, मस्तिष्क पक्षघात, थाइरोइड, भिटामिन एको कमी, यौनरोग (भिरिंगी, एचआइभी, गोनोरिया) लगायतका अन्य घातक रोगहरु पत्ता लाग्न सक्छ ।
आँखाको परीक्षण दृष्टिको लागि मात्रै नभई शरीरका अन्य अंगको अवस्था जान्नका लागि पनि आवश्यक रहेको उहाँहरुको भनाइ छ ।
रोग लागेर शरीरका अंगहरुमा असर गर्न थालेपछि मात्रै अस्पताल जाने चलन छ । त्यसो हुँदा कुनै रोगले आँखामा असर गरेपछि जाँच गर्न आउँदा अन्य रोगको पहिचान हुने नेत्ररोग विशेषज्ञहरु बताउनुहुन्छ ।
आँखा परीक्षणबाट पहिचान हुनसक्ने रोगहरुका बारेमा तिलगंगा आँखा अस्पतालमा कार्यरत भिट्रियो रेन्टल सर्जन डा. रबा थापा र नेपाल आँखा अस्पतालमा कार्यरत नेत्ररोग विशेषज्ञ डा.गोपालप्रसाद पोखरेलसँग कुरा गरि तयार पारिएको यो भिडियो सामग्री ।
तपाईँको अभिमत