डाक्टर कुट्दा के सजाय हुन्छ ? ठूलो बोर्ड बनाएर अस्पतालमा टाँस्न आग्रह
हेटौँडाको सन्चो अस्पतालमा डाक्टरमाथि भएको कुटपिट ।
हेल्थपाटी - आश्विन १०, २०८० १६:१७ मा प्रकाशित
अ +
अ -
स्वास्थ्य तथा जनसंख्या मन्त्रालयले स्वास्थ्यकर्मीमाथि कुटपिट गर्दा हुने सजायको जानकारी अस्तपालमा टास्न आग्रह गरेको छ ।
स्वास्थ्य मन्त्रालयले सबै स्वास्थ्य संस्थालाई निर्देशन दिँदै पत्राचार गरेको छ ।
स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन, २०६६ (पहिलो संशोधन २०७९) मा भएका व्यवस्थालाई ६ बाइ ४ फुट ठूलो सूचना पाटी बनाएर स्वास्थ्य संस्थामा टास्न भनिएको छ।
ऐनमा भएका व्यवस्था अनुसार कुन कसुरमा के सजाय हुन्छ भन्ने जानकारी टाँस गर्न अनुरोध गरिएको छ।
देशभरका विभिन्न अस्पतालमा चिकित्सक, स्वास्थ्यकर्मीमाथि आक्रमणका घटना बढेपछि स्वास्थ्य मन्त्रालयले यो अनुरोध गरेको हो।
मन्त्रालयले स्वास्थ्य उपचार पाउनु जनताको नैसर्गिक अधिकार रहेकाले स्वास्थ्य संस्था सुचारु गर्न अनुरोध गरेको छ ।
तपाईँको अभिमत