कस्तो रहन्छ आज दिनभरको मौसम ? सतर्कता अपनाउन आग्रह

हाल देशमा पश्चिमी न्यून चापीय प्रणालीको  सामान्य प्रभाव रहेको जल तथा मौसम विज्ञान विभाग  मौसम पूर्वानुमान महाशाखाले जानकारी दिएको छ । 

महाशाखाका अनुसार अहिले बिहान सुदूरपश्चिम र कर्णाली, लुम्बिनी र गण्डकी प्रदेशमा आंशिक देखि सामान्य बदली रहेको छ । शका बाँकी भू–भागमा आंशिक बदली देखि मौसम सफा छ। साथै मध्य तथा पुर्वी तराईका एक–दुई स्थानमा हुस्सु लागिरहेको छ ।

आज दिउँसो सुदूरपश्चिम प्रदेश, कर्णाली प्रदेश र गण्डकी प्रदेशका  पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली देखि मौसम सफा रहनेछ। 

सुदूरपश्चिम प्रदेश र कर्णाली प्रदेशका  एक–दुई स्थानमा हल्का वर्षाको सम्भावना छ। 

सुदूरपश्चिम, कर्णाली  प्रदेश र गण्डकी प्रदेशका उच्च पहाडी तथा हिमाली भू–भागका थोरै स्थानमा र बाँकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना छ।

आज राति देशको  पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली तथा मौसम सफा रहनेछ। सुदूरपश्चिम र कर्णाली प्रदेशका उच्च पहाडी तथा हिमाली भू–भागका थोरै स्थानमा र बाँकी प्रदेशका उच्च पहाडी तथा हिमाली भू–भागका एक–दुई  स्थानमा हल्का हिमपातको सम्भावना रहेको  मौसम पूर्वानुमान महाशाखाले जनाएको छ । 

उच्च पहाडी क्षेत्रमा हल्का वर्ष तथा हिमपात र तराईमा हुस्सुका कारण जाडो बढ्ने भएकाले दैनिक जनजीवन, स्वास्थ्य, सडक तथा हवाई यातायातमा  समेत प्रभाव पर्ने सक्ने सम्भावना रहेकोले आवश्यक सावधानी  तथा सतर्कता अपनाउन महाशाखाले आग्रह गरेको छ ।