सार्वजनिक विद्यालयमा अध्ययन गरेकालाई चिकित्सा शिक्षा छात्रवृति दिन निर्देशन
फाइल फोटो
हेल्थपाटी - भाद्र २०, २०७८ १३:१३ मा प्रकाशित
अ +
अ -
सार्वजनिक विद्यालयमा अध्ययन गरेका विद्यार्थीलाई चिकित्सा शिक्षा आयोगले दिने छात्रवृत्ति उपलब्ध गराउन संसदीय समितिले निर्देशन दिएको छ । आइतबार संसदको शिक्षा तथा स्वास्थ्य समितिले आयोगले लिने २९ समूहको परीक्षामा चिकित्सा शिक्षा ऐनअनुसार छात्रवृत्ति उपलब्ध गराउन निर्देशन दिएको हो ।
आयोगका उपाध्यक्ष डा.श्रीकृष्ण गिरीले सार्वजनिक विद्यालयमा कक्षा ६ देखि १० सम्म अध्ययन गरेका विद्यार्थीलाई छात्रवृत्ति उपलब्ध गराइएको जानकारी दिनुभयो ।
समिति सदस्य एवम् पुर्व शिक्षा मन्त्री गिरिराजमणि पोखरेलले सिट र उत्तिर्ण संख्याबीच अन्तर देखिएको भन्दै गुणस्तरिय शिक्षा तर्फ ध्यान दिनुपर्नेमा जोड दिनुभयो । ऐनअनुसार सार्वजनिक विद्यालयमा अध्ययन गरेका विद्यार्थीलाई छात्रवृत्ति उपलब्ध गराउनुपर्ने प्रावधान रहेको छ । चिकित्सा शिक्षा आयोगका अनुसार बर्सेनि २९ समूहमा २१७२ जनाले छात्रवृत्ति पाउँछन्। कुल सिट संख्या ८२५१ रहेको छ।
तपाईँको अभिमत