'ओमीक्रोनले कोरोना महामारी अन्त्य गराउँदैछ भन्नु मुर्खतापूर्ण'

ओमीक्रोन भेरियन्टकै कारण कोरोना महामारी अन्त्य हुने विश्वास मूर्खता मात्रै भएको विश्व स्वास्थ्य संगठन(डब्लुएचओ)का वैज्ञानिकले बताएका छन् ।
डब्लुएचओकी मुख्य वैज्ञानिक डा.सौम्याले स्वामीनाथन कोभिड–१९ भाइरसको नयाँ भेरियन्ट जुनसुकै बेला पनि आउन सक्ने चेतावनी दिनुभएकाे छ ।
स्वामीनाथनले ब्लूमबर्गलाई दिएको अन्तर्वार्तामा महामारी अन्त्य हुन्छ कि हुँदैन भन्ने कुराको जवाफ अहिले कसैसँग नभएको बताउनु भएकाे छ ।
महामारी अन्त्य हुने लागेको हल्लाको भरमा परेर सतर्कता अपनाउन छाड्दा त्यसले समस्या निम्तिन सक्ने चेतावनी उहाँले दिनुभयाे । कुनै पनि बेला नयाँ भेरियन्ट आएर पहिलेकै अवस्था देखा पर्नसक्ने डा.स्वामीनाथनको दावी छ।
उहाँले अफ्रिकी महादेशका ८५ प्रतिशत मानिसले अहिलेसम्म एक मात्रा समेत खोप नपाएकोमा चिन्ता व्यक्त गर्नु भयाे । विश्वमा अहिले पनि खोपको पहुँचमा नहुने जनसंख्या ठूलो रहेको भन्दै उहाँले ती ठाउँबाट कोरानो महामारीकाे नयाँ रुप देखा पर्नेसक्ने बताउनु भयाे ।
डब्लुएचओले कोराेना भाइरस देखा पर्नासाथ स्वास्थ्य संकटकाल घोषणा गरेका बेलादेखि सावधानी अपनाएको भए अहिलेको अवस्था नआउने उहाँको दावी छ । सुरुमा यसलाई गम्भीरताका साथ नलिँदा नै महामारीको रुप लिएको डा.स्वामीनाथन बताउनु हुन्छ ।
तपाईँको अभिमत