नेपाल आउने सबैले १० दिन अनिवार्य क्वारेन्टिन बस्नैपर्ने
हेल्थपाटी - पौष ०३, २०७७ ११:१४ मा प्रकाशित
अ +
अ -
अब विदेशबाट नेपाल आउनेले अनिवार्यरुपमा क्वारेन्टिन मा बस्नुपर्ने भएको छ । स्वास्थ्य तथा जनसंख्या मन्त्रालय स्वास्थ्य आपतकालीन तथा विपद व्यवस्थापन इकाईले बिहीबार सूचना जारी गरी यसबारे जानकारी गराएको हो ।
मन्त्रालयको इन्सिडेन्ट कमाण्ड सिस्टमको बुधबार बसेको बैठकले विदेशबाट नेपाल प्रवेश गर्नेलाई अनिवार्य १० दिन क्वारेन्टिन मा बस्नुपर्ने निर्णय गरेको मन्त्रालयका सह–प्रवक्ता डा.समिरकुमार अधिकारीले जानकारी दिनुभएको छ ।
यसका साथै संक्रमित व्यक्तिको सम्पर्कमा आएकालाई पनि सम्पर्कमा आएको दिनदेखि कम्तिमा दश दिन अनिवार्य क्वारेन्टिन बस्ने व्यवस्था गर्ने गराउने जानकारी सूचनामा दिइएको छ ।
संक्रमण पुष्टि भएपछि संक्रमितलाई कम्तिमा दश दिन अनिवार्य आइसोलेसन बस्ने व्यवस्था गर्ने गराउने निर्णय भएको अधिकारीले बताउनु भएको छ । मन्त्रालयको यसै निर्णय अननुसार गर्न गराउन सबैलाई सूचित गरिएको छ ।
तपाईँको अभिमत