१०औं फर्मा एक्स्पो मार्चमा हुने
फाइल तस्बिर ।
हेल्थपाटी - कार्तिक २५, २०८२ १७:१६ मा प्रकाशित
अ +
अ -
नेपाल औषधि उत्पादक संघ (एपोन) ले १०औं नेपाल फर्मा एक्स्पो २०२६ को मिति सार्वजनिक गरेको छ। संघका अनुसार प्रदर्शनी मार्च १२, १३ र १४ (फागुन २८, २९ र ३०) मा भृकुटीमण्डप, काठमाडौंमा आयोजना गरिने भएको छ।
प्रदर्शनीमा घरेलु तथा अन्तर्राष्ट्रिय कम्पनीहरूलाई आफ्नो नयाँ उत्पादन, प्रविधि र सेवाहरू प्रदर्शन गर्ने अवसर प्रदान गर्ने संघले जनाएको छ । कार्यक्रम संयोजक तथा एपोनका महासचिव सन्तोष बरालका अनुसार, यसले देशको औषधि उद्योगलाई नयाँ प्रविधि र अन्तर्राष्ट्रिय स्तरका साझेदारीसँग जोड्ने मञ्च प्रदान गर्नेछ। साथै उद्योगको सुदृढिकरणमा समेत टेवा पुग्नेछ।
संघले सहभागिताका लागि बुकिङ प्रक्रिया चाँडै सुरु गर्ने जनाएको छ। सहभागीलगायतका लागि प्रदर्शनी स्थलको नक्सा, शुल्क दर र अन्य प्राविधिक विवरणहरू क्रमशः उपलब्ध गराइने बताइएको छ।
प्रदर्शनी हरेक दुई वर्षमा आयोजना हुँदै आइरहेको छ । यसले औषधि उद्योगका उत्पादक, चिकित्सक, अनुसन्धानकर्ता र व्यवसायीहरूलाई एकै ठाउँमा ल्याई सहकार्य र नवप्रवर्तनका अवसर सिर्जना गर्ने उद्देश्य राखेको छ।
तपाईँको अभिमत