५० हजार बढी नेपाली श्रमिक रहेका देशमा सरकारले डाक्टर पठाउने
हेल्थपाटी - बैशाख २३, २०७९ १९:११ मा प्रकाशित
अ +
अ -
सरकारले ५० हजारभन्दा बढी नेपाली श्रमिक रहेका देशमा स्वास्थ्य सहचारीको व्यवस्था गर्ने तयारी गरेको छ । स्वास्थ्य तथा जनसंख्या मन्त्रालयले विदेशमा स्वास्थ्य सहचारीको व्यवस्था गर्ने विषय आगामी आर्थिक वर्ष २०७९ /८० को नीति तथा कार्यक्रममा समेट्न प्रस्ताव गरेको छ ।
मलेसिया, कतार र साउदी अरबमा स्वास्थ्य सहचारीको व्यवस्था गरी सोही अनुसारको जनशक्तिको व्यवस्थापन गर्न स्वास्थ्यले मन्त्रालयले प्रस्ताव गरेको छ । रोजगारीका सिलसिलामा विदेशमा रहेका नेपालीको स्वास्थ्य समस्यालाई समाधान गर्न उक्त कार्यक्रमको प्रस्ताव गरिएको स्वास्थ्य सचिव डा.रोशन पोखरेलले जानकारी दिनुभयो ।
उहाँका अनुसार स्वास्थ्य सहचारीको व्यवस्था भएपछि विदेशमा कार्यरत नेपालीहरुको स्वास्थ्य समस्या बुझी समाधान गर्न सहज हुनेछ । एमडीजीपी वा एमबीबीएस गरेका डाक्टरलाई सहचारीका रुपमा पठाउन प्रस्ताव गरिएको डा.पोखरेलले बताउनुभयो।
तपाईँको अभिमत