कोरोना संक्रमणबाट जनस्वास्थ्यकर्मी रत्नलाल श्रेष्ठको निधन
हेल्थपाटी - जेष्ठ ०४, २०७८ ०९:२९ मा प्रकाशित
अ +
अ -
काठमाडौं । कोरोना भाइरस संक्रमणबाट जनस्वास्थ्यकर्मी रत्नलाल श्रेष्ठको निधन भएको छ । लामो समय जनस्वास्थ्य क्षेत्रमा बिताउनुभएका श्रेष्ठलाई २ हप्ता अगाडि कोरोना पुष्टि भएको थियो ।
६५ वर्षका श्रेष्ठको जेठ ३ गते हिजो उपचारकै क्रममा एपीएफ अस्पतालमा निधन भएको उहाँको भान्जा एवं स्वास्थ्य मन्त्रालयका प्रमुख विशेषज्ञ महेन्द्रप्रसाद श्रेष्ठले जानकारी दिनुभयो ।
‘अस्पताल भर्ना हुँदा उहाँको अवस्था सामान्य थियो, एक हप्तापछि स्वास्थ्यमा थप समस्या देखिएपछि आइसियुमा राखिएको थियो, त्यसको ३ दिनपछि भेन्टिलेटरमा राखी उपचार सुरु गरिएको थियो तर मामालाई बचाउन सकिएन श्रेष्ठले भन्नुभयो,‘दुर्भाग्य मामाले कोरोनाको खोप नै लगाउनु भएको रहेनछ ।’
श्रेष्ठ ४ वर्ष अगाडि वरिष्ठ जनस्वास्थ्य प्रशासकबाट निवृत्त हुनुभएको थियो ।
तपाईँको अभिमत