हेल्थ रिसर्च लाइफ टाइम एचिभमेन्ट अवार्ड २०२०बाट सरुवारोग विज्ञ डा.बासुदेव पाण्डे सम्मानित 

काठमाडौं । ‘हेल्थ रिसर्च लाइफ टाइम एचिभमेन्ट अवार्ड २०२०’बाट सरुवारोग विज्ञ डा.बासुदेव पाण्डे सम्मानित हुनुभएको छ । 

नेपालमा सरुवा रोगहरुको अनुसन्धानमा पु¥याएको योगदानको कदर गर्दै शुक्रबार सम्पन्न स्वास्थ्य तथा जनसंख्या वैज्ञानिकहरुको सातौं राष्ट्रिय शिखर सम्मेलनको समापन समारोहमा डा.पाण्डेलाई हेल्थ रिसर्च लाइफ टाइम एचिभमेन्ट अवार्ड २०२० बाट सम्मान गरिएको हो ।

डा. पाण्डेले डेंगु, जापनिज इन्सेफलाइटिस, चिकुनगोनिया भाइरस, जीका भाइरस, एचआइभी एड्स लगायतका अन्य भाइरसको बारेमा १ सय भन्दा बढी अनुसन्धान प्रकाशित गर्नुभएको छ । 

यस्तै, उदयनारायण यादवलाई ‘हेल्थ रिसर्च अवार्ड २०२०’, मृगेन्द्र सम्झना मेडिकल ट्रष्ट योङ्ग हेल्थ रिसर्चर अवार्ड (मेडिकल डाक्टर क्याटोगोरी) तर्फको अवार्डबाट डा. विपिन अधिकारी,मृगेन्द्र सम्झना मेडिकल ट्रष्ट योङ्ग हेल्थ रिसर्चर अवार्ड (एनएचआरसी इम्प्लोइ क्याटोगोरी) बाट डा. विष्णु प्रसाद मरासिनीले पाउनुभएको छ । 

‘बेस्ट पेपर अवार्ड पोस्टर’तर्फ दिक्षा न्यौपाने सम्मानित हुनुभएको छ । यस्तै,बेस्ट पेपर ओरल प्रिजेन्टेशन अवार्ड डा. निशान्त कटुवाललाई प्रदान गरिएको छ । यसैगरी बेस्ट डिपार्टमेन्ट अवार्ड २०२० परिषदको अनुसन्धान विभागले पाएको छ ।

दुर्गादेवी ज्ञवाली जेएनएचआरसी बेस्ट पेपर अवार्ड २०२० ‘इन्टेक एसेस्मेन्ट एण्ड डायग्नोस्टिक एक्युरेसी डिफिसिट हाइपरएक्टीभिटी डीस डायग्नोस्टिक स्केल बीइङ्ग डेभलप चिल्ड्रेन इन नेपाल’ भन्ने शीर्षकले पाएको छ । एनएचआरसी वेष्ट पेपर अवार्ड नर्मदा देवकोटाले पाउनुभएको छ । 

यस्तै यसबर्षको वेष्ट इम्प्लोई अवार्ड परिषदका सुरक्षागार्ड महेश्वर चौधरीले पाउनुभएको छ । अवार्ड पाउनेहरुलाई प्रमुख अतिथि बनेका स्वास्थ्य मन्त्रालयका प्रमुख विशेषज्ञ महेन्द्रप्रसाद श्रेष्ठ, परिषदका अध्यक्ष प्राडा. गेहनाथ बराल र कार्यकारी सदस्यसचिव डा प्रदीप ज्ञवालीले संयुक्त रुपमा प्रदान गर्नुभएको थियो ।