स्थायी दरबन्दीमा थपिए २९५ जना नर्स, वीरमा मात्रै २४५ जना 

स्वास्थ्य सेवामा  स्थायी दरबन्दीमा २९५ जना नर्स थपिएका छन् । 
लोक सेवा आयोगले लिएको परीक्षा उत्तीर्ण गरेका नर्सहरुलाई स्वास्थ्य मन्त्रालयमा एक कार्यक्रमको आयोजना गरि नियुक्ती पत्र बाँढिएको छ । 

नियुक्तीका लागि सिफारिस भएका २९५ जना स्टाफ नर्सलाई संघीय स्वास्थ्य तथा जनसंख्या मन्त्रालयले आज नियुक्ती पत्र वितरण गरेको छ । स्वास्थ्य तथा जनसंंख्या मन्त्री मन्त्री मोहनबहादुर बस्नेतले उतीर्ण भएका नर्सलाई सरकारी सेवामा प्रवेश गरेको भन्दै बधाई दिदै स्वागत गर्नुभयो । 

थपिएका २९५ मध्ये २४६ जना नर्सलाई वीर अस्पतालमा पदस्थापन गरिएको छ । लामो समयदेखि नर्सिङ जनशक्तिको अभाव झेलिरहेको देशकै सबैभन्दा ठूलो र पुरानो वीर अस्पतालले सोमबारदेखि २४५ जना नयाँ नर्स पाएको छ । लोक सेवा आयोगको लिखित र अन्तरवार्ता उर्तीण गरेर आएका २९५ जना नर्स मध्ये स्वास्थ्य तथा जनसंख्या मन्त्रालयले २४५ जनालाई वीर अस्पतालमा पदस्थापन गरेको छ । 

बाकी रहेका ५० जनालाई नेपाल सरकार मातहतका संघिय अस्पतालमा खटाएको छ । नर्सिङ जनशक्ति अभावमा वीर अस्पतालले १० शैयाको आईसियू सञ्चालन गर्न सकेको छैन् ।  

यति ठूलो संख्यामा नर्सलाई एकै पटक वीर अस्पतालमा पदस्थापन गरेको यो पहिलो पटक हो । नयाँ नियुक्त भएर वीरमा जान लागेका नर्सिङ जनशक्तिलाई स्वास्थ्य मन्त्रालयमा बोलाएर निर्देशन दिदै स्वास्थ्य तथा जनसंख्या मन्त्री मोहनबहादुर बस्नेतले मानविय संवेदना जोडिएको क्षेत्र भएकाले नर्सिङ पेसा जागिर मात्र नभएको बताउनुभयो । 

सेवाका हिसावले नर्सिङ जनशक्ति दोश्रो भगवान नै भएको बताउँदै गरिव र विपन्न विरामीको उपचारलाई सेवाको रुपमा लिएर अगाडि बढ्नु पर्नेमा मन्त्री बस्नेतले जोड दिनुभयो। 

स्वास्थ्य मन्त्रालयमा आयोजित नियुक्ती पत्र वितरण कार्यक्रममा कार्यक्रममा स्वास्थ्य सचिवद्धय डा. रोशन पोखरेल, देवकुमारी गुरागाईँ लगायत स्वास्थ्यका उच्च अधिकारीहको सहभागीता रहेको थियो ।