जाडो मौसममा जोर्नीको दुखाइ किन हुन्छ ?

मानिसलाई जाडो मौसममा विभिन्न रोगले सताउने गर्छ । जाडो मौसममा बढी चिसो हुने हुँदा दम, छालाको समस्या, जोर्नी दुख्ने, रुघाखोकी लाग्ने, मुटुसम्बन्धी समस्या र निमोनिया, हृदयघातलगायतका समस्या हुने गरेको पाइन्छ । 

जाडो महिनामा दमका रोगहरू बल्झिने हुन्छ । दमको बिरामीहरूलाई जाडो र चिसोले गर्दा स्वासप्रश्वास नलीहरू साँघुरो भएर दम बल्झिने गर्छ। जाडोमा रुघाखोकीको प्रकोपहरू भाइरस, टन्सिलाइटिस समेत हुने गरेको छ । साना बालबालिका र इम्युनिटी पावर कम भएका बिरामीहरूलाई जाडो महिनामा भाइरल डायरिया पनि हुने गरेको गर्छ ।

जाडो मौसममा प्रायः व्यक्ति बढी आराम गर्ने गर्छन् । यसबाट शारीरिक सक्रियता कम हुन्छ । दिन छोटो र रात लामो हुनाले जीवनशैली परिवर्तन हुन जान्छ । त्यसैले हाम्रो खानपानको बानी समेत परिवर्तन हुन्छ । हामी व्यायाम पनि कम गर्छौं । त्यसैले जोर्नी दुख्ने समस्या अझ बढ्न जान्छ ।

हड्डीहरू खिइएका, घुँडाहरू खिइएका, ढाड दुखेका र बाथ भएका बुढाबुढीहरूलाई गर्मी महिनाको तुलनामा जाडो महिनामा चिसोका कारण जोर्नीहरू बढी मात्रामा दुख्ने गर्छ । जाडो वा चिसो मौसममा शरिरमा हुने रक्तसञ्चार कम हुँदा बढी मात्रामा जोर्नी दुखेको महसुस हुन्छ । जोर्नी दुख्ने बिरामीहरू गर्मीमा नहुने भन्ने हुँदैन । 

हड्डीहरू खिइएका, घुँडाहरू खिइएका, ढाड दुखेकाका बिरामीलाई जाडो समयमा तातो वा न्यानो बनाउँदा सहज महसुस हुन्छ । सामान्य जोर्नी दुखाइलाई हामीले जीवनशैली तथा खानपिनमा सुधार ल्याएरपनि ठिक गर्न सकिन्छ । यद्यपि, कतिपय जोर्नी दुखाइमा भने चिकित्सकसँग उपचार नै गराउनुपर्छ । 

जाडो मौसममा प्रायः व्यक्ति बढी आराम गर्ने गर्छन् । यसबाट शारीरिक सक्रियता कम हुन्छ । दिन छोटो र रात लामो हुनाले जीवनशैली परिवर्तन हुन जान्छ । त्यसैले हाम्रो खानपानको बानी समेत परिवर्तन हुन्छ । हामी व्यायाम पनि कम गर्छौं । त्यसैले जोर्नी दुख्ने समस्या अझ बढ्न जान्छ । 

चिसो मौसममा हाम्रो शरिरमा रगतको तापमान कायम गर्नु आवश्यक हुन्छ ।  तापमान सही नभए यसले शरीरका अन्य भागमा रगतको आपूर्ति घटाइदिन्छ । जब छाला चिसो हुन्छ तब दुखाइको असर बढी महसुस हुन्छ ।