अब उपत्यकामा खाद्यान्न र तरकारी पसल खोल्न पाइने
हेल्थपाटी - जेष्ठ १८, २०७८ १९:०७ मा प्रकाशित
अ +
अ -
काठमाडौं । काठमाडौं उपत्यकाको निषेधाज्ञा १० दिन थप्ने तयारी भएको छ । अहिले जारी निषेधाज्ञा २० गते सकिँदै छ ।
जिल्ला प्रशासन कार्यालय काठमाडौं, भक्तपुर र ललितपुरका प्रमुख अधिकारीहरूबीच यसबारे छलफल भएको छ । यसको निर्णय भने भोलि हुनेछ ।
भक्तपुरका प्रमुख जिल्ला अधिकारी प्रेम प्रसाद भट्टराईका अनुसार कडाई गरिएको निषेधाज्ञा केही खुकुलो भने गरिने भएको छ ।
बिहान ९ बजेसम्म खाद्यान्न र तरकारी पसल खोल्न दिइने विषयमा पनि छलफल भएको छ ।
विकास निर्माणको काममा सम्बन्धित निकायले थोरै कर्मचारी राखेर काम गर्न पाइने पनि छलफल भएको छ । अन्य सबै क्षेत्रमा भने पहिला जस्तो नै रोक लगाइने भट्टराईले जानकारी दिनुभयो ।
तपाईँको अभिमत