ओमीक्रोन भेरियन्टबाट सामान्य बिरामी, लक्षणहरु यी हुन् :
तस्विर : दि गार्डियन
हेल्थपाटी - मंसिर २४, २०७८ १४:३१ मा प्रकाशित
अ +
अ -
विश्वका विभिन्न देशमा कोरोनाको नयाँ भेरियन्टको केस बढिरहेको छ । अमेरिकाको रोग नियन्त्रण विभाग (सिडिसि)ले ओमीक्रोन भेरियन्टबाट संक्रमित भएकालाई सामान्य विरामी भनेको छ ।
सिडिसिका अनुसार ओमीक्रोन भेरियन्टबाट संक्रमित हुनेहरुमा खोकी, टाउको दुख्नु र थकानको लक्षण देखिएको छ र अहिलेसम्म ओमीक्रोन भेरियन्टबाट कसैको मृत्यु भएको छैन ।
ओमीक्रोन भेरियन्टबाट संक्रमित भएकाहरुमा सामान्य लक्षण देखिनुमा कोरोनाको खोप लगाएका कारण हुनसक्ने अनुमान गरिएको छ । अमेरिकामा ओमीक्रोन भेरियन्टको केस बढिरहेको छ ।
अहिलेसम्म त्यहाँ ४० जनामा उक्त भेरियन्टबाट संक्रमण पुष्टि भएको छ । सिडिसिका प्रमुखले ओमीक्रोन भेरियन्टबाट संक्रमित भएकामध्ये तीनचौथाइभन्दा बढी व्यक्तिले खोप लगाएको जानकारी दिनुभयो । जबकी उनीहरु सबै सामान्य बिरामी मात्रै थिए ।
ओमीक्रोन भेरियन्ट दक्षिण अफ्रिकामामा देखिएको थियो । विश्व स्वास्थ्य संगठनका अनुसार अहिलेसम्म यो भेरियन्ट ५७ वटा देशमा देखिसकेको छ ।
तपाईँको अभिमत