चिकित्सा शिक्षा : सीटीईभीटी अन्तर्गत ४३ वटा कलेजलाई सम्बन्धन र सिट निर्धारण(सूचीसहित)

हेल्थपाटी
मंसिर ०९, २०८१ २०:१७ मा प्रकाशित

अ + अ -

प्राविधिक शिक्षा तथा व्यवसायीक तालिम परिषद (सीटीईभीटी) अन्तर्गत विभिन्न विषय अध्यापनका लागि ४३ वटा कलेजलाई सम्बन्धन दिइएको छ ।

आयोगका अध्यक्ष समेत रहनुभएका प्रधानमन्त्री केपी शर्मा ओलीको अध्यक्षतामा बसेको चिकित्सा शिक्षा आयोगको १५औं बैठकले ४३ वटा कलेजको सम्बन्धन र सिट निर्धारणको निर्णय गरेको छ । साथै ७ वटा कलेजलाई आशयपत्र प्रदान गर्ने निर्णय समेत गरेको छ।

सम्बन्धन र सिट निर्धारण गरेको ४३ वटा कलेजमध्ये १६ वटा कलेजमा नयाँ कार्यक्रम र २७ वटा कलेजमा थप कार्यक्रम रहेको छ।

बैठकले कर्णाली प्राविधिक शिक्षालय जुम्ला, निर्मल लामा बहुप्राविधिक शिक्षालय बर्दीया र सहिद कृष्णसेन इच्छुक बहुप्राविधिक शिक्षालय दाङलाई प्रयोगात्मक अभ्यासका लागि अस्पतालको व्यवस्था भएपछि सिट निर्धारण गर्ने सकिने निर्णय गरेको छ ।